ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

په ننګرهار کې چاودنې ۱۲ قومي مشران او ځوانان ټپيان کړل

په ننګرهار کې چاودنې ۱۲ قومي مشران او ځوانان ټپيان کړل

author avatar
13 May 2020 - 12:11
په ننګرهار کې چاودنې ۱۲ قومي مشران او ځوانان ټپيان کړل
author avatar
13 May 2020 - 12:11

جلال اباد (پژواک، ۲۴ غويی ۹۹): د ننګرهار لعلپورې ولسوالۍ کې ناپېژانده کسانو پر يوې قومي جرګې لاسي بم غورځولی چې له امله يې د جرګې ۱۲ ګډونوال ټپيان شوي دي.

د معلوماتو له مخې، په ټپيانو کې قومي مشران او نور ملکي وګړي شامل دي.

د ننګرهار د والي وياند عطاء الله خوږياڼي د غويي په ۲۴ مه پژواک اژانس ته وويل چې پرون تر روژه ماتي وروسته د لعلپورې ولسوالۍ چکنور سيمه کې يو شمېر قومي مشران او د سيمې اوسېدونکي په يوې قومي موضوع جرګه شوي وو چې نا پېژاندو کسانو پرې لاسي بم غورځولی دی.

دی وايي، په چاودنه کې د جرګې دوولس ګډونوال ټپيان شوي چې ډېر يې قومي مشران دي.

د نوموړي په وينا، د پېښې ټپيان د درملنې په موخه روغتون ته انتقال شوي چې د ډېرو روغتیایي وضعيت د ډاډ وړ دی.

د سيمې يوه اوسېدونکي شاه محمد هم پژواک ته وويل چې په پېښه کې ټپيان ډېری سپين ږيري او مشران وو چې د ځايي خلکو له خوا روغتون ته انتقال شول.

د چاودنې مسووليت چا نه دی منلی.

د یادونې ده چې پرون ددغه ولایت په کوز کونړولسوالۍ کې په جنازه کې د ځانمرګي برید له امله له سلو زیاتو کسانو ته مرګ ژوبله اوښتې وه.

login or register a new account.

ورته موضوع

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.