د پژواک خدمتونه

د انځورونو څانګه

غږيزه څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

د ولسي جرګې غړي: اوربند بايد دوام وکړي ترڅو بين الافغاني مذاکراتو ته زمينه برابره شي

د ولسي جرګې غړي: اوربند بايد دوام وکړي ترڅو بين الافغاني مذاکراتو ته زمينه برابره شي

May 25, 2020 - 11:01

کابل (پژواک، ٥ غبرګولى ٩٩): د ولسي جرګې يو شمېر غړي د کوچني اختر په ورځو کې د حکومت او وسله والو طالبانو له لوري د اوربند د اعلانولو هرکلى کوي خو وايي چې د اوربند لړۍ بايد تر هغه ادامه پيدا کړي ترڅو بين الافغاني مذاکراتو زمينه برابره شي.

دوه ورځې وړاندې حکومت او وسله والو طالبانو د کوچني اختر په مناسبت د دريو ورځو لپاره يو د بل پر وړاندې اوربند اعلان کړ.

په ورته وخت کې نړيوال ټولنې هم په هېواد کې د دغه اوربند له اعلان څخه هر کلى کوي.

دغه راز ولسمشر غني هم پرون د دوه زره طالب زندانيانو د خلاصون حکم صادر کړ.

د ولسي جرګې يو شمېر غړي د حکومت او طالبانو له لوري د اوربند هرکلى کوي خو د اوربند پر دوام ټينګار کوي.

د اړوندې موضوع په اړه په ولسي جرګه کې د هرات استازي غلام فاروق مجروح د غبرګولي په پنځمه پژواک خبري اژانس ته وويل چې حکومت او طالبان بايد اوربند ته ادامه ورکړي ترڅو د بين الافغاني مذاکراتو لپاره زمينه برابره شي.

هغه وايي چې اوربند د خلکو د خوښۍ لامل شوى، دواړه لوري بايد د سولې په برخه کې باور جوړونې لپاره ورته کړنې ترسره کړي.

د مجروح په وينا د اوربند دوام د سولې لړۍ ته چټکتيا بښي، دواړه لوري بايد د خلکو غوښتنې ته چې د سولې راتګ دى لبيک و وايي.

دغه راز په ولسي جرګه کې د کندهار استازي خليل مجاهد پژواک ته وويل، سره له دې چې د کرونا ويروس د خپرېدو له امله خلک نه شي کولاى له خپلو کورونو ووځي، خو اوربند يې د خوښۍ لامل شوى او دغه لړۍ بايد ادامه پيدا کړي.

دى زياتوي چې اوربند کولاى شي د سولې پروسه ګړندۍ کړي، نو دغه لړۍ بايد ادامه پيدا کړي ترڅو افغانان سولې ته ورسيږي.

نوموړى د ښکيلو لوريو ترمنځ د باور جوړونې لپاره اوربند مهم بولي او وايي چې د بين الافغاني مذاکراتو تر پيل پورې بايد اوربند ادامه پيدا کړي.

د يادې جرګې يو شمېر نور غړي هم ورته نظر لري او د اوربند د غځېدو غوښتوونکي دي.

 

ورته راپورونه:

نظر ورکړئ

اعلانونه

Advertisement

Etisalat Get more data, Etisalat Afghanistan