د پژواک خدمتونه

د انځورونو څانګه

غږيزه څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

سرچینې : د اوربند غځولو او دوامداره اورکم لپاره هڅې کیږي

سرچینې : د اوربند غځولو او دوامداره اورکم لپاره هڅې کیږي

May 26, 2020 - 11:46

کابل (پژواک، ۶ غبرګولی ۹۹) : د افغانستان حکومت او طالبانو ته نږدې سرچینې وایي چې اوو نورو ورځو ته د اوربند غځولو او تر هغه وروسته دوامداره اورکم لپاره هڅې کیږي.    

دا په داسې حال کې ده چې د افغانستان حکومت او طالبانو له خوا د اختر په درېیو ورځو کې د اوربند پیل شوې لړۍ نن د شپې په ۱۲ بجو پای ته ورسیږي .   

د اختر په دغو ورځو کې له وړو څو امنیتي پېښو پرته په ټول هېواد کې کومه لویه امنیتي پېښه نه ده رامنځته شوې او رامنځته شوی اوربند په پراخه ملي او نړیواله کچه وستایل شو او هرکلی یې وشو.    

ولسمشر اشرف غني د طالبانو له خوا د اوربند له اعلان سره سم د دوه زره طالبانو د خوشې کولو اعلان وکړ او ممکن نن سلګونه طالبان د بګرام او څرخي پله له زندانونو خوشې شي.    

طالبانو ته نږدې سرچینې وایي چې د هغوی ډېری غړو او مشرانو داوربند له غځولو سره موافقه کړې خو یو نیم غړي یې مخالفت کړی دی .   

سرچینې وایي چې لومړی به اوربند اوو نورو ورځو ته غځیږي او بیا به تر هغه وروسته د دوامداره اورکم لړۍ پیلیږي.    

بلخوا د افغانستان حکومت سرچینې هم د اوربند غځولو ته هیله مندې او وایي چې په دې اړه په لوړه کچه د باور رامنځته کولو هڅې روانې دي.    

یوې سرچینې پژواک ته وویل چې د ولسمشر له خوا د دوه زره بندیانو د خوشې کولو اعلان او بیا نن په یوه ورځ له زندانونو د سلګونو طالبانو خوشې کول د همدې هڅو برخه ده.    

د امریکا د بهرنیو چارو وزیر د اوربند او بندیانو د خلاصولو د هرکلي ترڅنګ ویلي، دوی هڅه کوي چې د اوربند پیل شوې لړۍ وغځول شي.    

هغه له ولسمشر اشرف غني سره په یوه ټیلېفوني اړیکه کې ویلي چې د دوامداره اوربند او ژر تر ژره بین الافغاني مذاکراتو لپاره هڅې روانې دي.    

وسله والو طالبانو تر اوسه په دې اړه څه نه دي ویلي.  

نښه: 

ورته راپورونه:

نظر ورکړئ

اعلانونه

Advertisement

Etisalat Get more data, Etisalat Afghanistan