د پژواک خدمتونه

د انځورونو څانګه

غږيزه څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

غني: د امنیتي او دفاعي ځواکونو د قربانیانو وارثینو ته د رسېدنې لپاره باید اړین اقدامات وشي

غني: د امنیتي او دفاعي ځواکونو د قربانیانو وارثینو ته د رسېدنې لپاره باید اړین اقدامات وشي

May 27, 2020 - 16:41

کابل (پژواک، ۷ غبرګولی ۹۹): ولسمشر غني د امنیتي ځواکونو د قربانیانو وارثینو ته د رسېدنې هڅې کافي نه بولي، وایي هغوی ته د چټکې مرستې رسېدنې لپاره باید په قوانینو کې اړین اصلاحات رامنځته شي.

له ارګ څخه په خپره شوې خبرپاڼه کې راغلي چې ولسمشرمحمد اشرف غني نن ماسپښین د امنیتي او دفاعي بنسټونو چارواکو سره د ویډیو کنفرانس له لارې د امنیتي او دفاعي ځواکونو د شهیدانو وارثینو ته د رسېدنې پروسې په اړه خبرې وکړې.

په خبرپاڼه کې راغلي, په دې غونډه کې چې د ملي امنیت سلاکار ډاکتر حمد الله محب هم حضور درلود، لومړی د ملي دفاع او کورنیو چارو وزارتونو چارواکو د امنیتي او دفاعي ځواکونو د وژل شویو کسانو د معلوماتي ډېټابېس ترتیبولو، د هغوی د وارثینو د اسنادو درج کولو او د امنیتي او دفاعي بنسټونو د ګډې پالیسۍ پر اساس د هغوی د وارثینو، د امنیتي او دفاعي ځواکونو د ورکو شویو او بندي سرتېرو د دوامداره ملاتړ په اړه راپور ولسمشر ته وړاندې کړ.

د خبرپاڼې له مخې هغوی ویلي چې یاد ډېټابېس د بشپړېدو په حال کې دی او د امنیتي او دفاعي بنسټونو د ګډې پالیسۍ پر اساس به د دغو ځواکونو د قربانیانو د وارثینو، د امنیتي او دفاعي ځواکونو د ورکو شویو او بندي سرتېرو دوامداره ملاتړ کېږي.

سرچینه لیکي چې په دغه وډيو کنفرانس کې ولسمشر په چټکۍ د امنیتي ځواکونو د قربانیانو وارثینو ته په رسېدنې ټینګار کړی او زیاته کړې يې ده:« ترسره شوي اقدامات کافي نه دي، د امنیتي ځواکونو د شهیدانو د وارثینو حق پر موږ زیات دی او هغوی ته رسېدنه زموږ لوی مسوولیت دی. په دې برخه کې د وخت ضایع کېدل او کم کاري په هېڅ ډول د منلو وړ نه ده.»

هغه د امنیتي او دفاعي بنسټونو چارواکو ته لارښوونه کړې ترڅو په قوانینو او بیروکراسۍ کې چې د امنیتي او دفاعي ځواکونو د قربانیانو وارثینو ته د رسېدنې په بهیر کې د ځنډ لامل ګرځي، اصلاحات رامنځته شي تر څو پر وخت له هغوی سره مرسته وشي.

ولسمشر د امنیتي او دفاعي ځواکونو ټپیانو ته پر رسېدنې هم ټینګار کړی، ویلي یې دي:«د امنیتي ځواکونو قرباني سپېڅلی ارزښت لري او هغوی ته باید د حقوقو، امتیازاتو او د هغوی له وارثینو سره د مرستو په برخه کې هېڅ ډول ځنډ او کم کاري ونه شي.»

ورته راپورونه:

نظر ورکړئ

اعلانونه

Advertisement

Etisalat Get more data, Etisalat Afghanistan