د پژواک خدمتونه

د انځورونو څانګه

غږيزه څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

اروپایي اتحادیه: افغانستان سره زموږ مالي او سیاسي ملاتړد جمهوریت ساتلو سره مشروط دی

اروپایي اتحادیه: افغانستان سره زموږ مالي او سیاسي ملاتړد جمهوریت ساتلو سره مشروط دی

May 29, 2020 - 21:17

کابل (پژواک، ۹ غبرګولی ۹۹) : اروپايي اتحادیه وایي چې افغانستان سره یې راتلونکی سیاسي او مالي ملاتړ هلته د جمهوریت او د تیرو ۱۹ کلونو لاسته راوړنو ساتلو سره مشروط دی.

د اروپایي اتحادیې لخوا د غبرګولي په ۹مه، په یوه خپره  شوې خبرپاڼه کې راغلي چې د اتحادیې د شورا غونډه پرون جوړه شوې وه چې پکې د غړو هیوادونو د بهرنیو چارو وزیرانو د و یډیو کنفرانس له لارې ګډون کړي وو.

په  خبرپاڼه کې  راغلي ګډونوالو افغانستان سره د خپلو مرستو او همکاریو ژمنې تازه او د افغانستان له سولې پروسې څخه هم کلک ملاتړ کړی دی.

خو دغې اتحادیې ویلی چې افغانستان سره ددوی راتلونکې مالي او سیاسي ملاتړ هلته د جمهوریت او د تیرو ۱۹ کلنو لاسته راوړنو او د اسلامي امارت بیا نه راتګ سره مشروط دی.

 اروپایي اتحادیې د افغانستان د خلکو د حقوقو د ساتنې ، تلپاتې اوربند او ژر تر ژره د بین الافغاني مذاکراتو د پیلیدو غوښتنه کړې ده.

دغه راز په خبرپاڼه کې د افغانستان د شخړې پر سیاسي هواري ټینګار شوی او له ټولو خواوو په ځانګړې توګه له طالبانو غوښتل شوي چې د سولې له دې فرصت څخه ګټه پورته کړي.

په خبرپاڼه کې راغلي چې د افغانستان حکومت باید ښه حکومتداري ولري او د سولې مرکچي پلاویې یې همه شموله وي.

اروپایي اتحادیې له طالبانو غوښتي دي چې د سولې لپاره خپله ریښتینې اراده وښيي او بین الافغاني مذاکراتو لپاره د باور فضا رامنځټه کړي.

بلخوا د افغانستان د بهرنیو چارو سرپرست وزیر د اروپایي اتحادیې ددې اعلامیې هرکلی کړی او په ډاګه کړې چې افغانستان تل له اروپایي اتحادیې سره ښې اړیکې لرلې دي.

ورته راپورونه:

نظر ورکړئ

اعلانونه

Advertisement

Etisalat Get more data, Etisalat Afghanistan