د پژواک خدمتونه

د انځورونو څانګه

غږيزه څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

طالبان اروپایي ټولنې ته: د راتلونکي نظام په اړه په خپله افغانان تصمیم نیسي

طالبان اروپایي ټولنې ته: د راتلونکي نظام په اړه په خپله افغانان تصمیم نیسي

May 30, 2020 - 12:18

کابل (پژواک، ۱۰ غبرګولی ۹۹) : وسله والو طالبانو د افغانستان په اړه د اروپایي ټولنې د وروستۍ اعلامیې په اړه غبرګون ښودلی او په ډاګه کړې یې ده چې بهرنیان دې د افغانستان په کورنیو چارو کې لاسوهنې نه کوي.

د اروپایي ټولنې شورا پرون په یوه اعلامیه کې ویلي وو، چې له افغانستان سره ددوی راتلونکي مالي او سیاسي ملاتړ هلته د جمهوریت پر ساتنې او د اسلامي امارت بیا نه راتګ پورې مشروط دی.

د طالبانو د ویاند ذبیح الله مجاهد له خوا ددې اعلامیې په غبرګون کې ویلي چې دوی د افغانستان له سولې پروسې د ملاتړ په اړه د دې اتحادیې د ملاتړ هرکلی کوي.

خو هغه زیاته کړې، چې په یاده اعلامیه کې ځینې داسې ټکي شته چې د افغانانو د خپلواکۍ له حق سره په ټکر کې دي.

طالبانو ویلي : ((له بهر نه تپل شوي نظامونه تل زموږ په هېواد کې د بربادۍ او جګړو لامل ګرځېدلي او افغانانو ته د منلو وړ نه دي. موږ په کراتو په خپلو بیانیو کې ژمنتیا ښودلې چې د نورو په کورنیو چارو کې مداخله نه کوو، نور هم باید د عدم مداخلې نړیوال اصل په اساس زموږ په کورنیو چارو کې د مداخلې هڅې ونه کړي او نه دې له همدې امله د افغانستان مسئله نوره پېچلې کوي.)

مجاهد زیاته کړې، له امریکا سره د شوې توافقنامې په اساس د امریکا متحدین هم ژمن دي چې د افغانستان په داخلي چارو کې به مداخله نه کوي.

د هغه په وینا، دافغانستان د راتلونکي نظام په هکله به په خپله افغانان د بین الافغاني مذاکراتو په ترڅ کې تصمیم نیسي او دا د افغانانو مشروع حق دی.

طالبانو هیله څرګنده کړې چې ټول خپلو ژمنو ته متعهد پاتې شي، د عدم مداخلې بین المللي اصل مراعات کړي او د سولې پروسه زیانمنه نه کړي.

د یادونې ده چې د قطر د تړون تر لاسلیک وروسته، امریکا او روسیې او امریکا او اروپایي ټولنې په ګډو اعلامیو کې په افغانستان کې د اسلامي امارت له بیا راتګ سره مخالفت کړی و.

نښه: 

ورته راپورونه:

نظر ورکړئ

اعلانونه

Advertisement

Etisalat Get more data, Etisalat Afghanistan