ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

​د لوړو زده کړو وزارت: د کانکور ازموینې اخیستو طرحه به ډېر ژر وروستۍ شي

​د لوړو زده کړو وزارت: د کانکور ازموینې اخیستو طرحه به ډېر ژر وروستۍ شي

author avatar
1 Jun 2020 - 15:42
​د لوړو زده کړو وزارت: د کانکور ازموینې اخیستو طرحه به ډېر ژر وروستۍ شي
author avatar
1 Jun 2020 - 15:42

کابل (پژواک، ۱۲ غبرګولی ۹۹): د لوړو زده کړو وزارت د سږ کال کانکور ازموینې له داوطلبانو غواړي چې د یادې ازموینې لپاره لازم چمتووالی ولري؛ ځکه چې اړوندې کمېټې د ازموینې اخیستو پر طرحه کار پیل کړی دی.

د کرونا خپرېدو له امله د هېواد ټول ښوونیز او تحصیلي مرکزونه رخصت دي او کانکور ازموینه چې ټاکل شوې وه د ۱۳۹۸ کال په کب میاشت کې پیل شي، تر اوسه اخیستل شوې نه ده.

د لوړو زده کړو وزارت د نشراتو مسوول عزیزاحمد اوریا پژواک ته وویل: "د کرونا ویروس په هېواد کې د خپرېدو په حال کې دی، اړ یو پر یوې داسې طرحې کار وکړو چې له مخې یې کانکور ازموینه واخلو، په همدې منظور یوه کمېټه هم ټاکل شوې ده."

د هغه په خبره چې یاده کمېټه د ازموینې د څرنګوالي او نېټې په اړه تصمیم نیسي.

هغه څرګنده کړه چې یاده طرحه به له بشپړېدو او د عامې روغتیا وزارت له خوا د هغې له تایید وروسته د اجرا وړ وګرځي.

نوموړي زیاته کړه: "نو له دې مخې ښاغلي داوطلبان باید خپل لازم چمتووالی ولري."

د هغه په خبره چې د مرکز او ولایتونو د کانکور ازموینې مهالوېش به د عامې روغتیا وزارت له هوکړې وروسته اعلان شي.

login or register a new account.

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.