د پژواک خدمتونه

د انځورونو څانګه

غږيزه څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

په تېرو لسو ورځو کې له سل زره ټنو ډېر توکي هېواد ته وارد شوي

په تېرو لسو ورځو کې له سل زره ټنو ډېر توکي هېواد ته وارد شوي

Jun 01, 2020 - 15:25

کابل (پژواک، ۱۲ غبرګولی ۹۹) : د ترانسپورټ وزارت وایي چې په تېرو شاوخوا لسو ورځو کې له بهر څخه په ۱۸۹۴ واګونونو کې شاوخوا سل زره ټنه توکي هېواد ته را وارد شوي دي.

ددغه وزارت له خوا په یوه خپره شوې خبرپاڼه کې راغلي چې په دې توکو کې تېل، ګاز، غنم، اوړه، غوړي او نور خوراکي توکي شامل دي .

سرچینې زیاته کړې چې دا توکي د حیرتان، اقینې او تورغنډۍ بندرونو له لارې هېواد ته راوړل شوي دي.

د ترانسپورټ وزارت ویلي، چې په را وارد شویو توکو کې ۳۷ زره ټنه تېل، ۱۱۷۰۰ ټنه مایع ګاز، ۱۲۱۰۰ ټنه غنم، له ۴۱ زرو ټنو ډېر اوړه، دوه زره ټنه غوړي، ۲۶۰۰ ټنه غیر غذایي توکي او ۲۶۰۰ ټنه ساختماني توکي شامل دي.

په خبرپاڼه کې راغلي، د ترانسپورټ وزارت ژمن دی چې د کرونا له امله دقرنطین په ورځو کې به د هېوادوالو د اړتیا وړ توکو وارداتو ته ادامه ورکوي.

د یادونې ده چې له تېرو دوو میاشتو راهیسې د کرونا له امله دکابل په ګډون په زیاترو ولایتونو کې قرنطین وضعه شوی دی.

نښه: 

ورته راپورونه:

نظر ورکړئ

اعلانونه

Advertisement

Etisalat Get more data, Etisalat Afghanistan