د پژواک خدمتونه

د انځورونو څانګه

غږيزه څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

خلیلزاد: له افغان حکومت سره د بین الافغاني مذاکراتو د ځای او نېټې په اړه خبرې کوو

خلیلزاد: له افغان حکومت سره د بین الافغاني مذاکراتو د ځای او نېټې په اړه خبرې کوو

Jun 02, 2020 - 15:53

کابل  (پژواک، ۱۳ غبرګولی ۹۹) : د امریکا ځانګړی استازی زلمی خلیلزاد د بندیانو خوشې کولو او تاوتریخوالي کمېدل ښه پرمختګونه ګڼي او وایي چې له افغان حکومت سره د بین الافغاني مذاکراتو د ځای او نېټې په اړه خبرې کوي.

خلیلزاد دغه څرګندونې افغانستان او سیمې ته تر سفر وروسته پرون په واشنګټن کې د بهرنیو چارو وزارت له ویاندې سره یوځای په یوه خبري کنفرانس کې کړې دي.

هغه زیاته کړې، تېر ځل یې چې دلته له خبریالانو سره خبرې کړې وې، نوپه  افغانستان کې تاوتریخوالی زیات او د بندیانو د خوشې کولو پروسه هم د دوی له هیلو سره سمه نه وه روانه .

خو نوموړي وویل چې اوس لږ حالات بدل شوي،په تېر اختر کې طالبانو او افغان حکومت اوربند وکړ چې ورسره تاوتریخوالی ډېر کم شو.

خلیلزاد وایي چې تر اختره وروسته هم تاوتریخوالی کم دی او د بندیانو د خوشې کولو لړۍ هم تېزه شوې ده ، حکومت شاوخوا دوه نیم زره طالب بندیان او طالبانو هم د حکومت ۴۰۰ بندیان خوشې کړي دي.

د امریکا ځانګړي استازي وویل چې اوس ددوی ټول تمرکز ژر تر ژره د بین الافغاني مذاکراتو پر پیلولو دی، ځکه چې دغه کار د افغانستان د سولې لپاره تر ټولو مهم دی.

ده زیاته کړه چې بین الافغاني مذاکراتو لپاره د افغانستان دولت ټولشموله مرکچي پلاوی ټاکلی دی.

خلیلزاد دغه راز په افغانستان کې د سیاسي بحران پر هواري خوښي وښوده او ویې ویل چې دواړه افغان مشران اوس یو ځای کار کوي .

ده زیاته کړه : (( له افغان مشرانو سره اوس پر دې کار کوو، چې بین الافغاني مذاکرات په کوم ځای او کله باید ترسره شي او په دې مذاکراتو کې نړیوالې ټولنه څه رول لوبولی شي.))

د نوموړي په وینا، دوی اوس په یو ښه موقعیت کې دی، خو په راتلونکي کې به ننګونې او ستونزې هم وي، خو هیله مندي زیاته ده چې په پایله کې بین الافغاني مذاکراتو پیل ته لاره هواره کړي.

د هغه په وینا، تر بین الافغاني مذاکراتو مخکې هڅه کیږي چې له دواړو لوریو  څخه ژمنه شوي بندیان خوشې شي او د تاوتریخوالي کچه همداسې ټیټه پاتې شي.

نښه: 

ورته راپورونه:

نظر ورکړئ

اعلانونه

Advertisement

Etisalat Get more data, Etisalat Afghanistan