ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

د وزیر اکبر خان جامع جومات خطیب ایاز نیازي ساه ورکړه

د وزیر اکبر خان جامع جومات خطیب ایاز نیازي ساه ورکړه

author avatar
2 Jun 2020 - 21:49
د وزیر اکبر خان جامع جومات خطیب ایاز نیازي ساه ورکړه
author avatar
2 Jun 2020 - 21:49

دوهم تعقيب- کابل (پژواک، ۱۳ غبرګولی ۹۹): د کورنيو چارو وزارت وايي، د کابل ښار اړوند د وزیر محمد اکبر خان جومات په نننۍ چاودنه کې ټپي شوي خطیب مولوي ایاز نیازي ساه ورکړه.

د کورنیو چارو وزارت ویاند طارق ارین پژواک خبري اژانس ته وویل چې دغه چاودنه نن ماښام شاوخوا اووه نيمې بجې د وزیر محمد اکبر خان جومات په اودس خونه کې وشوه.

د هغه د معلوماتو له مخې، په دې چاودنه کې د ډاکتر محمد ایاز نیازي په ګډون دوه کسان وژل شوي او دوه نور ټپیان دي.

بلخوا د حج او اوقافو وزارت د نشرانو رییس فضل محمد حسیني هم پژواک ته وویل چې ایاز نیازی وژل شوی دی.

له ارګه په خپره شوې خپرپاڼه کې هم راغلي: «د افغانستان دښمنانو د خپلو جنایتونو په دوام په کابل ښار کې پر وزیر محمد اکبر خان جامع جومات د ترهګریز برید په ترسره کولو سره نن ماښام له لمانځه ادا کولو وروسته د یاد جومات خطيب او د کابل پوهنتون استاد ډاکتر محمد ایاز نیازی شهید او زموږ یو شمېر هیوادوال ټپیان کړل.»

په خبرپاڼه کې راغلي، ولسمشر د دغه برید د غندلو پر مهال وویل، پر جوماتونو، تکایاوو، روغتونونو، ملکي وګړو او عامه تاسیساتو د تروریستي بریدونو کول بشري جنایت دی.

ولسمشر د ډاکتر محمدایاز نیازي له کورنۍ سره د خپلې ژورې خواخوږۍ او همدردۍ څرګندولو پر مهال مسوولینو ته د یادې پېښې د هر اړخیزې څېړنې او د ټپیانو د درملنې لارښوونه وکړه.

login or register a new account.

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.