د پژواک خدمتونه

د انځورونو څانګه

غږيزه څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

د کندوز امنيه قوماندان د کرونا ويروس له امله مړ شو

د کندوز امنيه قوماندان د کرونا ويروس له امله مړ شو

Jun 03, 2020 - 11:15

کندوز ښار (پژواک، ١٤ غبرګولى ٩٩): د کندوز امنيه قوماندان او د دغه ولايت د قلعه زال ولسوال د کرونا ويروس له امله مړه شول.

د کندوز د والي وياند عصمت الله مرادي د غبرګولي په ١٤مه پژواک خبري اژانس ته وويل چې له تېر شوي کوچني اختر نه يوه ورځ وړاندې د دغه ولايت امنيه قوماندان مل پاسوال عبدالرشيد بشير د کرونا په ويروس اخته شوى و.

هغه وايي چې نوموړي تېره شپه د کابل په يوه روغتون کې د دې ناروغۍ له امله ساه ورکړې ده.

مرادي دا هم وويل چې تېره شپه د دغه ولايت د قلعه زال ولسوال فهيم قرلق هم د کرونا ويروس له امله خپل ژوند له لاسه ورکړى دى.

په ورته وخت کې د کورنيو چارو وزارت مرستيال ويانده مروه اميني هم وايي چې قوماندان بشير له تېرو څو ورځو راهيسې په کابل کې د کرونا ويروس له امله په روغتون کې بستري و.

دې وويل چې نوموړي تېره شپه د تنفسي ستونزو له امله په روغتون کې ساه ورکړې ده.

دغه راز د کندوز د کويد ١٩ روغتون رييس ذبيح الله مجيدي پژواک ته وويل چې د قلعه زال ولسوال له تېرو څو ورځو راهيسې په روغتون کې بستري و.

دى وايي: ((وضعيت يې ښه شوى و، بېګاه کورته لاړه څو ساعته وروسته يې بېرته راوست، وضعيت يې ډېر خراب شوى و، همدا و چې بيا يي ساه ورکړه.))

د يادونې ده چې جنرال عبدالرشيد بشير تر دې وړاندې د غور ولايت د امنيې قوماندانۍ د امنيت د امر په توګه او له تېر يوه کال راهيسې يې د کندوز د امنيې قومامدان په توګه دنده ترسره کوله.

ورته راپورونه:

نظر ورکړئ

اعلانونه

Advertisement

Etisalat Get more data, Etisalat Afghanistan