د پژواک خدمتونه

د انځورونو څانګه

غږيزه څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

امر الله صالح: د دفتر او کورنۍ نيمايي غړي مې پر کرونا ويروس اخته شوي

امر الله صالح: د دفتر او کورنۍ نيمايي غړي مې پر کرونا ويروس اخته شوي

Jun 04, 2020 - 16:38

کابل (پژواک، ١٥ غبرګولى ٩٩): د ولسمشر لومړى مرستيال سره له دې چې د کرونا ويروس په برخه کې د عامې روغتيا وزارت د سپارښتنو پر عملي کولو ټينګار کوي وايي چې د دفتر او کورنۍ نيمايي غړي يې پر دغه ويروس اخته شوي دي.

د ولسمشر لومړي مرستيال امرالله صالح په خپله فېسبوک پاڼه کې له خلکو غوښتي چې کرونا ويروس جدي وګڼي او د عامې روغتيا وزارت لارښونې عملي کړي.

هغه ليکلي دي: ((کرونا يو ټولشموله او جدي آفت دى، هيله کوم د عامې روغتيا وزارت علمي لارښوونې په پام کې ونيسئ، پرځان او د خپلې کورنۍ پر غړو يې عملي کړئ، موږ کوښښ کوو چې د دغې مهلکې ناروغۍ زيانونه کم کړو، خو هېڅوک ترې خوندي نه دي.))

نوموړي زياته کړې: ((زما د دفتر او کورنۍ نيمايي غړي همدا اوس له دغه درد سره لاس او ګريوان دي.))

صالح وايي چې هېواد دا مهال د کرونا له پلوه له سخت حالت سره مخ دى او زياتوى: ((موږ له اوله د دغه حالت وړاندوينه کړې وه، موږ له خپلو ټولو سرچينو سره ستاسو په چوپړ کې يو، ستاسو همکاري دغه بحران کموالى شي، د ځان او کورنۍ لپاره مو د عامې روغتيا له وزارت سره همکاري وکړئ.))

په ورته وخت کې د عامې روغتيا وزارت وايي چې په تېرو ٢٤ ساعتونو کې د کرونا ويروس له ١٢٩٦ شکمنو پېښو څخه ٧٨٧ يې مثبتې وې.

سرچينه وايي چې تر اوسه په ټول هېواد کې ١٨٠٥٤ تنه پر کرونا ويروس اخته شوي چې له دې شمېرې څخه درې سوه يې مړه شوي او ١٥٨٥ يې بېرته روغ شوي دي.​

ورته راپورونه:

نظر ورکړئ

اعلانونه

Advertisement

Etisalat Get more data, Etisalat Afghanistan