ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

په بنګله دېش کې بند پاتې افغان محصلین کابل ته راولېږدول شول

په بنګله دېش کې بند پاتې افغان محصلین کابل ته راولېږدول شول

author avatar
6 Jun 2020 - 20:22
په بنګله دېش کې بند پاتې افغان محصلین کابل ته راولېږدول شول
author avatar
6 Jun 2020 - 20:22

کابل(پژواک، ۱۷ غبرګولی ۹۹): د لوړو زده کړو وزارت وايي، د کرونا ويروس د خپرېدو له امله چې ۱۲۴ افغان محصلين په بنګله دېش کې بند پاتې وو، د افغانستان دولت په لګښت کابل ته راولېږدول شول.

د لوړو زده کړو وزارت د وياند مرستيال حنيف فرزان نن پژواک خبري اژانس ته وويل چې دغه محصلين د چيتاګونګ په ايالت او دبنګله دېش د پلازمېنې په ډاکه ښار کې په زده کړو بوخت وو.

دی وايي، په يادو محصلينو کې ۱۱۱ نجونې او ۱۳ نارینه شامل دي.

د يادونې ده چې د تګ راتګ او ګرځبنديز تر لګېدو او د بهرنيو الوتنو تر بندېدو وروسته سلګونه افغان مسافر د لسګونو محصلينو په ګډون په بهرنيو هېوادونو کې بند پاتې وو چې افغانستان ته راولېږدول شول.

دا په داسې حال کې ده چې د افغانستان حکومت د کرونا ويروس د خپرېدو د مخنيوي په موخه د وري په نهمه ګرځبنديز اعلان کړ او نن يې د کسب او کار په موخه کړنلاره تصويب کړه چې سر له سبا به په ټول کې هېواد کې پلې شي چې د دې کړنلارې پر بنسټ ټول خصوصي او دولتي ښوونځي او پوهنتونونه به تر راتلونکو درېيو مياشتو پورې رخصت وي.

په ورته مهال د عامې روغتيا وزارت اعلان وکړچې په تېرو ۲۴ ساعتونو کې د کرونا ۵۸۲ نوې پېښې ثبت شوي چې په دې سره په افغانستان کې پر کرونا د اخته کسانو شمېر ۱۹۵۵۱ تنو ته لوړ شو.

login or register a new account.

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.