د پژواک خدمتونه

د انځورونو څانګه

غږيزه څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

په لوګر کې يو پخوانى سناتور ډاکټر عبدالولي احمدزی وژل شوى

په لوګر کې يو پخوانى سناتور ډاکټر عبدالولي احمدزی وژل شوى

Jun 09, 2020 - 11:13

پل علم (پژواک، ٢٠ غبرګولى ٩٩): د لوګر حکومتي مسوولين وايي چې وسله والو طالبانو د دغه ولايت پخوانى سناتور عبدالولي احمدزى وژلى دى.

د لوګر د والي وياند ديدار لونګ د غبرګولي په ٢٠مه پژواک خبري اژانس ته وويل چې په مشرانو جرګې د دغه ولايت پخوانى غړى عبدالولي احمدزى پرون د خپلې خور د جنازې لپاره مرکز پل علم ته راغلى و.

هغه وايي: ((په چوڼۍ سيمه کې يې د خور جنازه وه، د شپې طالبان ورپسې کورته ورغلي، له کوره يې ايستلى او بيا يي پر ډزو وژلى دى.))

دغه راز د لوګر د ولايتي شورا رييس حسيب الله ستانکزي هم د طالبانو له لوري د نوموړي وژل کېدل تاييد کړل او ويې ويل چې عبدالولي احمدزي دا مهال د سيمه ييزو ارګانونو په خپلواکې ادارې کې دنده درلوده.

همدارنګه د چوڼۍ سيمې یوه اوسېدونکي اکبر پژواک ته وويل چې سناتور احمدزى بېګاه د طالبانو له لوري په ډېرې بې رحمۍ سره وژل شوى دى.

هغه وویل سناتور ډاکټر عبدالولي احمدزی د خپلې خور په جنازه کې چې پرون دوشنبه د مازديګر په څلورو بجو په لوګر ولايت چوڼيو کلي کې په خپله پلرنۍ هديره کې ادا شوې ګډون کړی او د شپې کلي کې پاتي شوی و.

هغه وايي: ((بېګاه يې وژلى دى، اوس يې جنازه کابل ته انتقال شوه چي عیدګاه جومات کې د جنازې ادا کولو وروسته به د ملي شورا هدیره کې خاورو ته وسپارل شي.))

سناتور عبدالوالی د ملي شورا د ۱۵مه دوره کې په مشرانو جرګه کې د لوګر د خلکو استازی و.

ورته راپورونه:

نظر ورکړئ

اعلانونه

Advertisement

Etisalat Get more data, Etisalat Afghanistan