د پژواک خدمتونه

د انځورونو څانګه

غږيزه څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

د سمنګان د ډبرو سکرو یوه کان کې د بند پاتې لسو کارګرو برخلیک لا هم نه دی معلوم

د سمنګان د ډبرو سکرو یوه کان کې د بند پاتې لسو کارګرو برخلیک لا هم نه دی معلوم

Jun 10, 2020 - 17:20

ایبک (پژواک، ۲۱ غبرګولی ۹۹): سمنګان کې سیمه ییز مسوولین وايي، د نجات ډله تر اوسه نه ده توانېدلې چې په کان کې بند پاتې ټول کارګر وژغوري.

د سمنګان ولایتي شورا رییس بازمحمد پژواک خبري اژانس ته وویل: ((په دغه کان کې د عیني شاهدانو په خبره، ۱۶ کارګر بند پاتې وو چې د نن ورځې تر ۳ بجو (د غبرګولي ۲۱مه) شپږ مړي را ایستل شوي دي.

تېره ورځ د سمنګان د دره صوف بالا ولسوالۍ د شباشک د ډبرو سکرو کان کې چاودنه رامنځته شوه او د دغه کان یو شمېر کاګر تر خاورو لاندې شول.

د پټرولیم او کانونو وزارت پرون ویلي چې په دغه کان له ۱۶ تر ۱۸ کسان تر ډبرو او خاورو لاندې بند پاتې دي خو د دره صوف ولسوال وايي چې لږ تر لږه ۲۰ کسان په کان کې بند پاتې دي.

خو سمنګان ولایتي شورا رییس چې د دره صوف بالا اوسېدونکی دی، پژواک ته وویل: ((دوو کسانو چې دغه کان ته نږدې وو، وویل چې په کان ۱۶ کسان بند پاتې دي چې تر اوسه (له غرمې وروسته درې بجې) د شپږو کسانو مړي را ایستل شوي دي.

هغه زیاتوي، تر اوسه د نجات ډلې څو ځلې خپل کسان د یادو کاګرو د نجات لپاره کان دننه کړي خو هلته د ګاز له امله مسموم شوي دي.

د هغه په خبر، دا چې چاودنه په صوف کې اووه سوه متره دننه شوې ده، نو د نجات ډلې کار یې له ستونزو سره مخ کړی دی.

خو هغه وايي، د نجات ډله تصمیم لري د یوه بل صوف له لارې چې یاد صوف ته نږدې تېر شوی، مخکې ولاړ شي، لومړي ګام کې به دواړه صوفونه وصل کړي، وروسته به د صوف هوا تخلیه کړي او د پاتې کسانو مړي به را وباسي.

دا په داسې حال کې ده چې په تېرو کلونو کې هم د خلکو له خوا پر خپل سر د صوف ایستلو له امله په ځلونو دغسې پېښې رامنځته شوې دي.

لکه څرنګه چې د ۱۳۹۵ کال په غويي میاشت کې د دهانه تور د ډبرو سکرو کان کې چاودنې ۲۶ معدنکاران ووژل.

نښه: 

ورته راپورونه:

نظر ورکړئ

اعلانونه

Advertisement

Etisalat Get more data, Etisalat Afghanistan