کابل (پژواک، د چنګاښ لومړۍ نیټه ۹۹) د افغانستان حکومت د هند او چین ترمنځ پر رامنځته شوې سرحدي شخړې ژوره اندیښنه ښودلې ده.
تېره اوونۍ د چین او هندوستان ترمنځ د سرحدي سیمې د لداخ سیمې پر سر د نښتې له مله ۲۰ هندي سرتېري ووژل شول چې له امله یې ددواړو هېوادونو ترمنځ تاوتریخوالی زیات شوی دی.
دواړو هېوادونو یادې سیمې ته سپکې او درنې وسلې رسولي دي او جنګي الوتنې یې په سیمه کې ټوله ورځ الوتنې کوي.
د افغانستان حکومت ددواړو هېوادونو ترمځ پر یادې نښتې او د شخړې پر زیاتېدو ژوره اندېښنه ښودلې ده.
د بهرنیو چارو وزارت له خوا په یوه خپره شوې خبرپاڼه کې راغلي چې افغانستان له دواړو هېوادونو سره ښې دوستانه او ستراتیژیکې اړیکې لري او د جګړې دیوه قرباني هېواد په توګه چې له زیاتو زیانونو سره مخ شوی له دواړو هېوادونو غواړي چې خپله شخړه د خبرو اترو له لارې هواره کړي.
دافغانستان حکومت ویلي چې د چین او هند شخړه نه یواځې د سیمې، بلکې د ټولې نړۍ پر زیان دي.
په خبرپاڼه کې راغلي، دافغانستان حکومت له یادې شخړې په رامنځته شوو ځاني او مالي زیانونو داندېښنې څرګندولو ترڅنګ هیله لري چې دواړه هېوادونه دښه ګاونډیتوب په توګه دا ستونزه هواره کړي.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن