کابل (پژواک، ۱۰ چنګاښ ۹۹): د شهیدانو او معلولینو په چارو کې د دولت وزارت د اتل اړیکو مرکز (کال سنټر) د شهیدانو د ورثې او معلولیت لرونکو وګړو ستونزو ته د رسېدنې او شکایتونو اورېدو لپاره په رسمي توګه پرانیستل شو.
د یاد مرکز د پرانیستې په مراسمو کې د شهیدانو او معلولینو په چارو کې د دولت وزیر لعل الدین آریوبي، د وزارت ځینو مسوولینو، د شهیدانو او معلولینو په چارو کې د جمهور رییس سلاکار عمرا خان منیب او د مخابراتي خدمتونو د تنظیم ادارې رییس عمر منصور انصاري ګډون درلود.
آریوبي د "اتل اړیکو مرکز" د رامنځته کېدو پر ارزښت او اړتیا خبرې وکړې او وې ویل چې د شهیدانو د کورنیو او معلولینو اقتصادي ستونزو ته په کتو د اسانتیاوو رامنځته کول او د دوی ستونزو، شکایتونو اورېدو او نورو چارو ته د رسېدنې لپاره یې پرانیستل اړین و او د اصلاحاتو په لومړیتوب کې یې ځای درلود.
هغه زیاته کړه چې په دغه مرکز کې لس تږکسان کار کوي او په ورځني ډول د (۵۰۰) مراجعینو پوښتنو ته ځواب وویل کېږي او له دې وروسته د شهیدانو ورثه او معلولین اړ نه دي چې د خپلو چارو د تعقیب لپاره وزارت ته مراجعه وکړي، بلکې یوازې د یوې ټيلېفوني اړیکې په وسیله یې چارو ته رسېدنه کېږي.
اریوبي د (آترا) ادارې له پخواني رییس سېلاب او اوسني رییس عمر منصور انصاري نه مننه وکړه چې د یاد مرکز په جوړولو کې یې هر اړخیزه مرسته او همکاري وکړه.
د اترا ادارې رییس عمر منصور انصاري د دغه مرکز پرانیسته د شهیدانو کورنیو او معلولینو لپاره یو بنسټیز کار وګاڼه او ژمنه یې وکړه چې دغه قشر ته د نورو برېښنایي او ټکنالوجیکي اسانتیاوو برابرولو لپاره له وزارت سره هر اړخیزې مرستې او همکارۍ ته چمتو دی.
د ولسمشر سلاکار عمرا خان منیب د یاد مرکز رامنځته کېدل د شهیدانو ورثې او معلولینو ته ستره لاسته راوړنه وبلله او د وزارت د رهبرۍ د کړنو او فعالیتونو د ستاینې ترڅنګ یې د یاد قشر د کارونو په چټکوالي، روڼتیا ټینګښت او اسانتیاوو رامنځته کېدو کې مهم ګام وباله.
د آترا ادارې له مرستې او همکارۍ څخه یې هم مننه وکړه او زیاته یې کړه چې د معلولینو او شهیدانو چارو د برېښنایي او عصري کولو لپاره باید نور کار هم وشي، تر څو شته ستونزې هوارې شي.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن