د پژواک خدمتونه

د انځورونو څانګه

غږيزه څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

تېرو ٢٤ ساعتونو کې په هېواد کې ٢٧٩ کسان پر کرونا اخته او ١٢ مړه شوي

تېرو ٢٤ ساعتونو کې په هېواد کې ٢٧٩ کسان پر کرونا اخته او ١٢ مړه شوي

Jun 30, 2020 - 12:45

کابل (پژواک، ١٠ چنګاښ ٩٩): د عامې روغتيا وزارت وايي چې په تېرو ٢٤ ساعتونو کې د کرونا ٢٧٩ مثبتې پېښـې ثبت شوي چې له دې سره په هېواد کې پر کرونا ويروس د اخته کسانو شمېره ۳۱۵۱۷ ته لوړه شوه.

دغه څرګندونې په هغې خبرپاڼې کې شوي چې د چنګاښ په لسمه د عامې روغتيا وزارت له لوري پژواک خبري اژانس ته رالېږل شوې ده.

په خبرپاڼه کې راغلي چې په تېرو ٢٤ ساعتونو کې د هېواد په لابراتوارونو کې د کرونا ويروس ٧٧٩ شکمنې پېښې ازمايل شوي چې ٢٧٩ يې مثبتې دي.

سرچينه وايي چې د يادو پېښو په ثبتېدو سره په هېواد کې پر کرونا ويروس د اخته کسانو شمېره ۳۱۵۱۷ ته لوړه شوه.

د سرچينې د معلوماتو له مخې، د يادو پېښو له ډلې څخه، ٦٨ په غور، ٤١ په کابل، ٣٨ په هرات، ٣٥ په باميان، ١٨ په پکتيا، ١٣ په بادغيس، ١١ په بلخ، ١١ په کندوز، اووه په تخار، اووه په کاپيسا، شپږ په لوګر، څلور په کندهار، درې په بدخشان، درې په پنجشېر، درې په اروزګان، دوه په ننګرهار، دوه په ميدان وردګو، دوه په کونړ، دوه په هلمند، دوه په زابل او یوه هم په پروان ولايت کې دي.

خبرپاڼه کې زياته شوې چې په تېرو ٢٤ ساعتونو کې ١٩٧ کسان له کرونا ناروغۍ څخه بېرته روغ شوي چې له دې سره په هېواد کې له کرونا ويروس څخه د بېرته روغ شويو کسانو شمېره ۱۴۰۳۶ته لوړه شوه.

د عامې روغتيا وزارت وايي چې په تېرو ٢٤ ساعتونو کې ١٢ کسان د کرونا ويروس له امله مړه شوي چې له دې ويروس څخه د ټولو مړو شويو کسانو شمېر ٧٤٥ ته ورسېد.

د يادونې ده چې په دې وروستيو کې په افغانستان کې د کرونا پېښې مخ په کمېدو دي او د عامې روغتيا وزارت هم دغه خبره تاييد کړې ده.

خو بل لورته خلک وايي چې پر ډاکټرانو د خلکو نه باور او دولتي روغتونونو ته د خلکو کمه مراجعه د دې لامل شوې چې د يادې ناروغې د مثبتو پېښو شمېره کمه څرګنده شي.

ورته راپورونه:

نظر ورکړئ

اعلانونه

Advertisement

Etisalat Get more data, Etisalat Afghanistan