د پژواک خدمتونه

د انځورونو څانګه

غږيزه څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

د کندوز د امنيې قوماندانۍ مرستيال د رشوت اخيستو په تور ونيول شو

د کندوز د امنيې قوماندانۍ مرستيال د رشوت اخيستو په تور ونيول شو

Jul 02, 2020 - 14:17

کندوز ښار (پژواک، ١٢ چنګاښ ٩٩): د کندوز امنيتي مسوولين وايي چې د دغه ولايت د امنيې قوماندانۍ ملکي مرستيال له سوداګرو څخه د بډې اخيستلو په تور نيول شوی دی.

د کندوز د امنيې قوماندانۍ يوې سرچينې د چنګاښ په ١٢مه پژواک خبري اژانس ته وويل چې د دغې قوماندانۍ ملکي مرستيال شاه محمود وحدت د بډې اخيستو په تور نيول شوى دى.

سرچينه وايي: ((له يوه سوداګر نه يې د پيسو تقاضا کړې وه، هغه د پيسو ورکولو پرمهال هرڅه فلمبرداري کړي و، بيا يې فلم له قوماندانۍ سره شريک کړ، نو هماغه و چې دغه سړى نن سهار د پوليسو له لوري ونيول شو.))

په ورته وخت کې د کندوز امنيه قوماندان مل پاسوال فقيرمحمد جوزجاني هم پژواک ته وويل چې د قوماندانۍ ملکي مرستيال د بډې اخيستو په تور نيول شوى دى.

ده زياته کړه: ((دا مهال په نظارت خانه کې دى، دوسيه به يې تر بشپړېدو وروسته عدليي او قضايي ارګانونو ته واستول شي.))

دا په داسې حال کې ده چې تر دې وړاندې د دغه ولايت سوداګرو د پوليسو له لوري د غيرقانوني پيسو اخيستو له امله شکايتونه کړي وو.

ورته راپورونه:

نظر ورکړئ

اعلانونه

Advertisement

Etisalat Get more data, Etisalat Afghanistan