د پژواک خدمتونه

د انځورونو څانګه

غږيزه څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

د ولسمشر ځانګړی استازی یوسف غضنفر د کرونا له امله ومړ

د ولسمشر ځانګړی استازی یوسف غضنفر د کرونا له امله ومړ

Jul 04, 2020 - 10:49

کابل (پژواک، ۱۴ چنګاښ ۹۹) : په اقتصادي او سوداګریزو چارو کې د ولسمشر اشرف غني ځانګړی استازی یوسف غضنفر د کرونا ناروغۍ له امله مړ شوی دی.

هغه چې څه موده مخکې پر کرونا اخته شوی و، د ترکیې په یوه روغتون کې تر درملنې لاندې و.

له ارګ څخه د چنګاښ په ۱۴مه، پژواک اژانس ته په یوه استول شوې خبرپاڼه کې راغلي چې د اقتصادي او سوداګرۍ پراختیا او بېوزلۍ کمولو په چارو کې د ولسمشر فوق العاده استازی محمد یوسف غضنفر د کرونا ناروغۍ له امله وفات شوی دی.
ولسمشر د غضنفر پر مړینې د خواشینۍ څرګندولو ترڅنګ ویلي چې یوسف غضنفر حلیم، خیرخواه، ولسي او ملي شخصیت و چې په متحد افغانستان یې باور درلود او تل یې د خپلو خلکو د خیر او کامیابۍ لپاره هڅې کولې. د هغه مړینه د هېواد او نظام لپاره یوه لویه ضایعه ده.
هغه زیاته کړې، غضنفر د افغانستان د ابادۍ او له بېوزلو او اړمنو خلکو سره د مرستې لپاره جدي کارونه پیل کړي وو او ویاړم چې دغه ډول رښتینی او د خلکو خدمتګار شخصیت مې نږدې همکار و.

ولسمشر ویلي چې د افغانستان د حکومت او خلکو په استازیتوب یې د هغه له کورنۍ سره د ټیلېفوني اړیکې له لارې غمشریکي وکړه او اړوندو مسوولینو ته یې لارښوونه وکړه ترڅو د محمد یوسف غضنفر د جنازې د مراسمو او خاورو ته سپارلو رسمي تدابیر ونیسي.

دغه راز د هېواد ګڼ شمېر سیاسي مشرانو، دولتی چارواکو او نورو خلکو هم د غضنفر پر مړینې خواشیني څرګند ه کړې ده.

هغه د هېواد یو له ملي سوداګرو څخه و او په شمال کې یې د ګازو په برخه کې پانګونه کړې ده.

ورته راپورونه:

نظر ورکړئ

اعلانونه

Advertisement

Etisalat Get more data, Etisalat Afghanistan