د پژواک خدمتونه

د انځورونو څانګه

غږيزه څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

«ځیني سرپرست وزیران مامورین له دندو ګوښه کوي او پر ځای یې خپل نږدې کسان ګوماري»

«ځیني سرپرست وزیران مامورین له دندو ګوښه کوي او پر ځای یې خپل نږدې کسان ګوماري»

Jul 06, 2020 - 16:28

کابل (پژواک، ۱۶ چنګاښ ۹۹): د ولسي جرګې یو شمېر غړي دې جرګې ته د نوماند وزیرانو پر معرفي کېدو د ټینګار ترڅنګ وایي چې ځیني سرپرست وزیران د قانون خلاف مامورین له دندو ګوښه کوي او پر ځای یې خپل نږدې کسان ګوماري.

محمد اشرف غني تېر کال د کب په ۱۹مه د دویم ځل لپاره د ولسمشر په توګه د لوړې مراسم ترسره کړل او ویلي یې وو چې ژر به د باور رایې ترلاسه کولو لپاره ولسي جرګې ته د کابیني غړي ور وپېژني، خو تر اوسه یې دغه کار نه دی کړی او ډېری وزارتونه د سرپرستانو له خوا اداره کېږي.

ولسمشر د بهرنیو چارو، پوهنې، مالیې، کانونو، اطلاعاتو او کلتور، عامې روغتیا، ښځو چارو وزارتونو، د ملي امنیت عمومي ریاست او د افغانستان بانک لپاره نوماندان ټاکلي دي خو ولسي جرګې ته نه دي ور پېژندل شوي.

د ولسي جرګې په نننۍ ناسته کې یو ځل بیا په ادارو کې د سرپرستانو د کار پر دوام او د نوماند وزیرانو پر نه معرفي کېدو نیوکې وشوې.

په ولسي جرګه کې د کابل د خلکو استازې نظیفې ذکي وویل: «اوس خو سیاسي هوکړه هم شوې ده، ولې د باور رایې ترلاسه کولو لپاره د کابیني غړي نه معرفي کېږي، ډېری سرپرستانو د قانون خلاف ګوښه کونه او ګومارنې پیل کړې دي چې دغه کار د مامورینو او وکیلانو د اندېښنې سبب شوی دی.»

د ولسمشر محمد اشرف غني او ملي مصالحې عالي شورا د رییس عبدالله عبدالله ترمنځ د «سیاسي توافق» پر اساس، ټاکل شوې ده چې یو شمېر وزیران ولسمشر ته د عبدالله عبدالله له لوري ور معرفي شي، خو د ولسمشر ویاند صدیق صدیقي نن وویل چې تر اوسه د عبدالله عبدالله له لوري د نوماند وزیرانو نوملړ ارګ ته نه دی رسېدلی.

په یاده جرګه کې د فاریاب د خلکو استازي حاجي هاشم فاریابي وویل: «که کابینه معرفي نه شي، سرپرستي دوام پیدا کوي او د ملي شورا د رخصتیو په وخت کې چې د [نوماند وزیرانو] هر کار یې چې زړه وي ترسره کوي به یې.»

د اساسي قانون پر اساس، د ملي شورا یوه نیمه میاشتنۍ رخصتي د زمري پر لومړۍ نېټه پیلېږي.

فاریابي د دوبي له رخصتیو مخکې دې جرګې ته د کابینې د غړو د ور پېژندلو غوښتونکی شو او ویې ویل چې باید د سرپرستۍ فرهنګ پای ته ورسېږي؛ ځکه د هغه په خبره، سرپرستان د قانون خلاف د اړوندو ادارو ځیني کارکوونکي له دندو ګوښه کوي او ځان ته نږدې کسان پر دندو ګوماري.

هغه وایي چې د سرپرستانو کړنې د مامورینو د اندېښنې سبب شوې او د دولت هر مامور اندېښمن دی چې د سرپرست له خوا په کومه بهانه له دندې ګوښه نه شي.

د جرګې یو شمېر نورو غړو هم ورته څرګندونې درلودې.

د ولسي جرګې رییس میر رحماني وویل: «څویم ځل دی چې وکیلان غږ کوي څو د کابینې غړي معرفي شي، خو له بده مرغه د حکومت له ژمنو سربېره تر اوسه نه دي معرفي شوي، د سرپرستانو کړنې د دولتي کارکوونکو د انېښنې سبب شوې او باید دغه فرهنګ پای ته ورسول شي.»

هغه هم وایي چې په وزارتونو کې یو شمېر سرپرستان د اصولو او قانون خلاف ځیني مامورین له دندو ګوښه کوي او پر ځای یې خپل نږدې کسان ګومارلي او دغه بهیر دوام لري.

هغه یو ځل بیا له ولسمشره وغوښتل څو دې جرګې ته د اوړي له رخصتیو مخکې د باور رایې ترلاسه کولو لپاره نوماند وزیران ورمعرفي کړي.

ورته راپورونه:

نظر ورکړئ

اعلانونه

Advertisement

Etisalat Get more data, Etisalat Afghanistan