د پژواک خدمتونه

د انځورونو څانګه

غږيزه څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

اروزګان کې ۸۰۰ کورنیو ته د لبنیاتو د پروسس ماشینونه ورکړل شول

اروزګان کې ۸۰۰ کورنیو ته د لبنیاتو د پروسس ماشینونه ورکړل شول

Jul 06, 2020 - 18:50

ترینکوټ (پژواک، ۱۶ چنګاښ ۹۹): د اروزګان د کرنې مالدارۍ او اوبو لګولو ریاست له خوا اته سوه مالدارو کورنیو ته د لبنیاتو د پروسس ماشینونه ورکړل شول چې په عصري بڼه لبنیات ترلاسه او بازار ته یې عرضه کړي.

د اروزګان سرپرست والي نعمت الله بختیار وایې، په دې اړه د اړمنو کورنیو سروې د کرني او مالدارۍ ریاست، ولایتي شورا او ولایت مقام له خوا ترسره شوې چې نن ورته ماشینونه ووېشل شول.

 بختیار وایې، د دغو ماشینونو په مرسته به مالدار وکولای شي په عصري او خوندي بڼه حیواني محصولات ترلاسه او بازار ته عرضه کړي.

د کرني مالدارۍ او اوبو لګولو رییس  احمدشاه خیري  وویل چې د لبنیاتو پروسس ماشینونو مالي لګښت چې څه باندې لس میلیونه افغانۍ دي، د هندوستان سفارت له خوا ورکړل شوی دی.

د هغه په وینا،  د پروسس یاد ماشینونه چې د سولري برېښنا په وسیله کارول کېږي، ورسره به مالدار په عصري او معیاري بڼه لبنیات تولید او ښار ته به یې عرضه کړي.

ده زیاته کړه، په پام کې لري چي د اروزګاني کروندګرو او مالدارو لپاره خپلو مرستو ته دوام ورکړي.

د اروزګان ولایتي شورا استازي او مالداري کورنۍ هم د کرني ریاست له چارواکو او د دوست هېواد هندوستان له سفارت څخه مننه کوي چې د له هغوی سره یې د لبنیاتو د پروسس ماشینونو مرسته کړېده. د ولایتي شورا استازي محمد ظاهر نادري له مالدارو وغوښتل چې له یادو ماشینونو په سمه توګه ګټه واخلی او محصولات یې خلکو ته وړاندې کړي.

د ترینکوټ ښار یو اوسېدونکی میراجان وایي، له دې مخکې یې ستونزې درلودې او په ښه توګه یې لبنیات نه شو ترلاسه کولای، خو په نوي او عصري ډول د پروسس دغو ماشینونو په واسطه به وکولای شي لبنیات په معیاري او لنډ وخت کې پروسس او بازار ته عرضه کړي.

ورته راپورونه:

نظر ورکړئ

اعلانونه

Advertisement

Etisalat Get more data, Etisalat Afghanistan