د پژواک خدمتونه

د انځورونو څانګه

غږيزه څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

دلوګر ولایتي شورا وکیله نفیسه هجران په یوه وسله وال برید کې ټپي شوې ده

دلوګر ولایتي شورا وکیله نفیسه هجران په یوه وسله وال برید کې ټپي شوې ده

Jul 06, 2020 - 10:25

پل علم (پژواک، ۱۶ چنګاښ ۹۹): د لوګر ولایتي شورا غړې نفیسه هجران په پل علم ښار کې په یوه وسله وال برید کې ټپي شوې ده.

د لوګر د والي ویاند دیدار لونګ د چنګاښ په ۱۶مه پژواک اژانس ته وویل چې دغه وسله وال برید نن سهار شاوخوا اته بجې د پل علم ښار اړوند د ملي بیرغ له څلورلارې سره وشو.

هغه زیاته کړه، په برید کې نفیسه هجران او موټر چلوونکی یې ټپیان شوي چې درملنې په موخه روغتون ته لېږدول شوي دي.

د لونګ په وینا، د یادو دواړو کسانو روغتیایي حالت د ډاډ وړ ښودل شوی دی.

د والي ویاند وایي چې بریدګر تښتېدلي او پولیسو یې په اړه پلټنې پیل کړې دي.

د ولایتي شورا رییس حسیب الله ستانکزی د پېښې د تایید ترڅنګ وایي چې نفیسه په روغتون کې ده او له لومړنۍ درملنې وروسته کابل ته لېږدول کېږي.

تر اوسه کومې ډلې ددغه برید مسوولیت پر غاړه نه دی اخیستی.

ورته راپورونه:

نظر ورکړئ

اعلانونه

Advertisement

Etisalat Get more data, Etisalat Afghanistan