د پژواک خدمتونه

د انځورونو څانګه

غږيزه څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

په ۲۹ ولایتونو کې د ۲۵۹ پروژو پلي کېدو هوکړه لیکونه لاسلیک شول

په ۲۹ ولایتونو کې د ۲۵۹ پروژو پلي کېدو هوکړه لیکونه لاسلیک شول

Jul 08, 2020 - 15:37

کابل (پژواک، ۱۸ چنګاښ ۹۹) : د کلیو پراختیا وزارت له پرمختیایي شوراګانو سره د ۲۹ ولایتونو لپاره د څه باندې ۷۲۳ میلیونه افغانیو په ارزښت د ۲۵۹ پروژو هوکړه لیکونو لاسلیک کړل.

د کلیو بیارغونې او پراختیا وزیر پوهندوی مجیب الرحمن کریمي نن د چنګاښ په ۱۸مه، ددې هوکړه لیکونو دلاسلیک کولو پر مهال وویل چې دا پروژې په اروزګان، بادغیس، بدخشان، بامیان، بغلان، بلخ ،پروان، پکتیا، پکتیکا، تخار، جوزجان، خوست، دایکنډي، زابل، سمنگان، سرپل، غزنی، غور ، فاریاب، کابل، کاپیسا، کونړ، کندهار، لوګر، میدان وردک، ننګرهار، نورستان، هرات اوهلمند کې پلې کیږي.

هغه زیاته کړه چې د دې پروژو د تطبیق په ترڅ کې به نږدې ۴۵۸ زره کاري ورځې رامنځته او زرګونو کسانو ته د کارزمینه برابره شي.

د کلیو بیارغونې او پراختیا د وزیر په وینا، دا پروژې ۱۴۸ د اوبو رسولو شبکې، ۱۲۷ ژورې او سطحي څاه ګانې، د اوبو ۹۹ زېرمې، ۷ روغتیایي مبرزونه او ۴۲۵۰ متره د اوبه خور کانال لري چې له ګټو به یې ۳۷۴ زره کلیوال برخمن شي.

کریمي وویل چې ددې پروژو یوه برخه له ملي بودیجې او بله برخه یې د امریکا دمتحدو ایالتونو د پرمختیایې ادارې او همدازار د ماشومانو لپاره د ملګرو ملتونو د صندوق (یونیسف) له لوري تمویلیږي.

د یادولو ده چې یادې پروژې د کلیو بیارغونې او پراختیا وزارت د اوبو رسولو ملي پروګرام تر څار لاندې تنظیم او د پرمختیایي شوراګانو له لوري تطبیقیږي.

نښه: 

ورته راپورونه:

نظر ورکړئ

اعلانونه

Advertisement

Etisalat Get more data, Etisalat Afghanistan