د پژواک خدمتونه

د انځورونو څانګه

غږيزه څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

پکتيکا کې د يوې کورنۍ شپږ کسان وژل شوي

پکتيکا کې د يوې کورنۍ شپږ کسان وژل شوي

Jul 08, 2020 - 12:58

ښرنه (پژواک، ١٨ چنګاښ ٩٩): په پکتيکا کې روغتيايي مسوولين وايي چې ناپېژاندو وسله والو د دغه ولايت په مرکز ښرنه کې د يوې نجلۍ په ګډون د يوې کورنۍ شپږ غړي وژلي دي.

د یاد ولایت د مرکز ښرنې ملکي روغتون مشر ډاکتر چنار صديقي د چنګاښ په ١٨مه پژواک ته وويل چې د ښرنې ښار له کرخېلو سيمې څخه شپږ جسدونه روغتون ته ور وړل شوي دي.

هغه وايي چې په وژل شوو کې يوه پېغله نجلۍ هم شامله ده او دغه کسان ټول په مرميو ويشتل شوي دي.

د يادې کورنۍ يوه غړي اختر پژواک ته وويل چې تېره شپه د دوى کورته ناپېژاند وسله وال ورغلل او د کورنۍ شپږ کسان يې ور ووژل.

دى زياتوي: ((موږ له چا سره دښمني نه درلوده، نه پوهېږم چې دغه کسان څوک وو، خو په وژل شوو کې مې يوه خور او ورور هم شامل دي.))

نوموړي له امنيتي مسوولينو غوښتنه وکړه چې د خور او ورور قاتلين يې پيدا کړي او د قانون منګولو ته يې وسپاري.

خو د ياد کلي يوې بلې سرچينې د نوم نه خپرولو په شرط پژواک ته وويل چې په وژل شوو کې يو پوليس هم شامل دى.

هغه وايي: ((دغه کسان د طالبانو له لوري وژل شوي؛ ځکه يو کس يې پوليس و.))

د پکتيکا حکومتي چارواکو په دې اړه له څه ويلو ډډه وکړه.

بل لورته وسله والو طالبانو هم تر اوسه په دې اړه څه نه دي ويلي.

نښه: 

ورته راپورونه:

نظر ورکړئ

اعلانونه

Advertisement

Etisalat Get more data, Etisalat Afghanistan