د پژواک خدمتونه

د انځورونو څانګه

غږيزه څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

په کندوز کې د اوړو د توليد يوه فابريکه جوړه شوه

په کندوز کې د اوړو د توليد يوه فابريکه جوړه شوه

Jul 09, 2020 - 15:20

کندوز ښار (پژواک، ١٩ چنګاښ ٩٩): د کندوز ولايت په مرکز کې د يوه سوداګر له لوري د لس ميليونه امريکايي ډالرو په ارزښت د اوړو د توليد او پروسس يوه فابريکه جوړه او په کار يې پيل وکړ.

دغه فابريکه چې څه موده وړاندې يې د جوړېدو چارې پاى ته رسېدلي، دوه سوه کسان په کې کار کوي او هره ورځ شاوخوا ٣٥٠ ټنه وړو توليدوي.

د يادې فابريکي رييس شفيق الله فاتح د چنګاښ په ١٩مه پژواک خبري اژانس ته وويل چې د دغې فابريکې په جوړولو سره يې يو شمېر کسانو ته مستقيم او د دغه ولايت ګڼ شمېر کروندګرو ته يې په غير مستقيمه توګه کار پيدا کړى دى.

د نوموړي د معلوماتو له مخې، پر دغې فابريکې يې لس ميليونه امريکايي ډالره پانګونه کړې چې دوه سوه کسانو ته يې د کار زمينه برابره کړې او د ورځې شاوخوا ٣٥٠ ټنه اوړه په کې توليديږي.

هغه زياته کړه: ((دغې فابريکې ته مې مډرن وسايل راوړي دي، د اسيا په کچه مې جوړ کړې ده.))

نوموړي له حکومت نه غوښتنه وکړه چې د پانګوالو د امنيت د ټينګښت او  د برېښنا د تامين په برخه کې پوره همکاري وکړي.

فاتح له اړوندو ارګانونو غوښتنه وکړه چې توليداتو ته يې د بازار په موندلو کې مرسته وکړي.

په ورته وخت کې د يادې فابريکې يو تن کارکوونکي احمد سليم پژواک ته وويل چې نور سوداګر هم بايد په هېواد کې ورته فابريکې جوړې کړي ترڅو خلکو ته د کار زمينه برابره شي.

دغه راز بل کارکوونکي ضياءالحق پژواک ته وويل: ((که دلته فابريکې جوړې شي، خلکو ته کار ورکړل شي، څوک څه کوي چې بهر ته ځي او يا هم طالبانو سره يوځاى کيږي او وسله اخلي.))

همدارنګه د کندوز ښار یوه اوسېدونکي نعمت الله پژواک ته وويل: ((موږ تر اوسه دوه ځلې له همدې اوړو څخه اخيستي دي، هم يې ډوډۍ ښه مزه داره ده او هم يې هضميت ښه دى.))

د اړوندې موضوع په اړه د کندوز د سوداګرۍ خونې رييس ګل محمد رجب زاده پژواک ته وويل چې حکومت بايد د سوداګرو د امنيت په تامين کې پوره هلې ځلې وکړي.

هغه وايي: ((د خوشحالۍ ځاى دى چې زموږ يو سوداګر په کندوز کې پانګونه کړې او لسګونو کسانو ته يې د کار زمينه برابره کړې ده.))

دا په داسې حال کې ده چې حکومتي مسوولينو په کراتو ويلي دي چې د سوداګر د امنيت ټینګښت د دوى په لومړيتوب کې دى، خو سوداګر بيا ډېرى وخت له نا امنۍ څخه شکايت کوي.

ورته راپورونه:

نظر ورکړئ

اعلانونه

Advertisement

Etisalat Get more data, Etisalat Afghanistan