د پژواک خدمتونه

د انځورونو څانګه

غږيزه څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

د کونړ- نورستان سړک د ۱۰ کیلومتره جوړولو چارې پیل شوې

د کونړ- نورستان سړک د ۱۰ کیلومتره جوړولو چارې پیل شوې

Jul 10, 2020 - 11:51

جلال اباد  (پژواک، ۲۰ چنګاښ ۹۹): دنورستان- کونړ پر لویه لاره د څه باندې لس کیلومتره سړک جوړولو چارې پیل شوې.

د نورستان ولایت مقام له خوا په یوه خپره شوې خبرپاڼه کې راغلي چې دسړک جوړولو د پیل په مراسمو کې دنورستان د والي حافظ عبدالقیوم  ترڅنګ ددغه ولایت امنیه قوماندان،دملي امنیت رییس،په مشرانو جرګه کې د نورستان دخلکو استازي عبدالطیف نهضت یار او دمحلي ادارې ګڼو مسوولینو او قومي مشرانو ګډون کړی و.

د نورستان والي حافظ عبدالقیوم وویل چې دا یوه حیاتي پروژه ده چې ګټه یې ټول نورستان ولایت ته رسېږي.

نوموړي زیاته کړه چې دیاد سړک پر جوړولو۳۱۵ میلیونه افغانۍ لګښت راځي او په دوو کلونو کې به یې چارې بشپړې شي.

نوموړي په خپلو خبرو کې نورستاني ولس ته زېری ورکړ چې ژر ده په نږدې راتلونکي کې د ورته نورو پروژو شاهدان و اوسئ.

په مشرانو جرګه کې د نورستان دخلکو استازي عبدالطیف نهضت یار وویل د دا ډول پروژو په پلې کېدو د نورستاني ولس ستونزې دکمښت خواته ځي.

ددغه سړک پر ځینو نورو برخو پخوا کارونه پیل شوي چې اوس په کې یو څه پرمختګ شوی دی.

دا پروژه په داسې حال کې پیل شوې چې د نورستان مرکز د ملي پارک په توګه اعلان شوی او په دې وروستیو کې دغه ولایت ته دسیلانیانو تګ راتګ زیات شوی دی.

ورته راپورونه:

نظر ورکړئ

اعلانونه

Advertisement

Etisalat Get more data, Etisalat Afghanistan