د پژواک خدمتونه

د انځورونو څانګه

غږيزه څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

غزني کې د ماين چاودنې له امله ١٤ ملکي وګړو ته مرګ ژوبله اوښتې

غزني کې د ماين چاودنې له امله ١٤ ملکي وګړو ته مرګ ژوبله اوښتې

Jul 11, 2020 - 22:06

غزني ښار (پژواک، ٢١ چنګاښ ٩٩): د غزني حکومتي مسووولين وايي چې په جغتو ولسوالۍ کې د ماين چاودنې له امله د ښځو او ماشومانو په ګډون شپږ تنه وژل شوي او اته نور ټپيان شوي دي.

د غزني د والي وياند وحيدالله جمعه زاده د چنګاښ په ٢١ مه پژواک خبري اژانس ته وويل چې نن له غرمې وروسته په جغتو ولسوالۍ کې د ملکي وګړو پر موټر د ماين چاودنه شوى ده.

هغه وايي: ((دغه خلک په فلانکوچ موټر کې سپاره وه چې د طالبانو له لوري په ځاى پرځاى شوي ماين يې موټر برابر شوى دى.))

ده زياته کړه چې په دغه چاودنه کې د ښځو او ماشومانو په ګډون شپږ ملکي وګړي وژل شوي او اته نور ټپيان شوي دي.

دى زياتوي چې ټپيان د غزني ولايتي روغتون ته انتقال شوي او دا مهال تر درملنې لاندې دي.

بل لورته وسله والو طالبانو تر اوسه په دې اړه څه نه دي ويلي.

د يادونې وړ ده چې تر دې وړاندې هم د ملکي وګړو موټر د سړک پر غاړه په ځاى پرځاى شويو ماينونو برابر شوي او مرګ ژوبله ورته اوښتې ده.

 

 

ورته راپورونه:

نظر ورکړئ

اعلانونه

Advertisement

Etisalat Get more data, Etisalat Afghanistan