د پژواک خدمتونه

د انځورونو څانګه

غږيزه څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

د افغانستان د جګړې قربانیانو له طالبانو سره د روسیې د مرستو غندنه وکړه

د افغانستان د جګړې قربانیانو له طالبانو سره د روسیې د مرستو غندنه وکړه

Jul 13, 2020 - 15:38

کابل (پژواک، ۲۳ چنګاښ ۹۹): یو شمېر مدني فعالانو او د جګړې قربانیانو له طالبانو سره د روسیې د مرستو غندلو تر څنګ په هېواد کې روانه جګړه پردۍ او اقتصادي جګړه وبلله.

په دې وروستیو کې امریکایي رسنیو راپورونه ورکړي چې روسیې له وسله والو طالبانو سره د مالي مرستو ترڅنګ هغوی ته وسلې او مهمات هم ورکړي دي. خو روسیې او وسله والو طالبانو دا ادعاوې رد کړې دي.

يو شمېر مدني فعالانو او د جګړې قربانيانو د چنګاښ په ۲۲مه په کابل کې د يوې اعتراضيې غونډې پرمهال وويل چې په هېواد کې روانه جګړه د پرديو اقتصادي جګړه ده او په وروستيو کې د جګړې زياتوالی له طالبانو سره د روسيې د ملاتړ په مانا ده .

د سياسي چارو يوتن فعال ډاکتر عوض حسن ناصري وويل: ((هر هغه هېواد چې زموږ د هېواد په کورنيو چارو کې پرته له ډيپلوماتيکو اړيکو لاسوهنه کوي هغه زموږ دښمن دی.))

ده په هېواد کې د کورنۍ اجماع د جوړېدو په اړه په ټينګار سره وويل، حکومت ، سياسيون او ځوانان بايد لاس په کار شي او يوه کورنۍ اجماع  رامنځته کړي.

د نوموړي په وینا، هغه ګاونډي هېوادونه چې په افغانستان کې د خپلو ګټو خبرې کوي، نو هغوی دلته خپل استازي لري چې خپلو شخصي ګټو او د افغانستان د نابودۍ لپاره له هر څه تېر دي.

ناصري په هېواد کې روانه جګړه پردۍ او اقتصادي جګړه وبلله او ويې ويل، چې د دغې جګړې منځ کې بې ګناه افغانان وژل کیږي .

ده همداراز په امريکا غږ وکړ چې په افغانستان کې د دايمي سولې او پرمختګ لپاره کار وکړي.

د کابل د معلولينو شورا مرستيال بشير دهره وويل،  که څه هم افغانستان په تېرو ۴۲ کلونو کې په ميليونونو شهيدان او زخميان ورکړي بيا هم ځيني هېوادونه غواړي د افغانستان د سولې مذاکرات تخريب او له خنډ سره مخ کړي .

په ورته وخت کې د حقپرستو ځوانانو ټولنې مرستيال لطف الله مقصودي یادې اعتراضه غونډې ته وویل چې روسيه دې د سولې مذاکراتو په حساس وخت کې له طالبانو سره له مرستو لاس واخلي.

ده پر حکومت غږ وکړ، هر څنګه چې ژر کيږي له طالبانو سره دې بين الافغاني مذاکرات پيل کړي او هيڅ هېواد ته دې په افغان سوله کې د لاس وهلو اجازه نه ورکوي.

هغه زياته کړه، هر څومره چې د سولې مذاکرات ځنډيږي، د روسيې په ګډون يو شمېر نور هېوادونه له دې فرسته ناوړه ګټه اخلي او په افغانستان کې د جګړې د زياتوالي لامل کيږي .

نښه: 

ورته راپورونه:

نظر ورکړئ

اعلانونه

Advertisement

Etisalat Get more data, Etisalat Afghanistan