کابل (پژواک، ۲۴ چنګاښ ۹۹): د امریکا دفاع وزارت اعلان کړی چې په افغانستان کې یې یو سرتېری په غیر نظامي پېښه کې مړ شوی دی.
ددغه وزارت له خوا د چنګاښ په ۲۴مه، په یوه خپره شوې خبرپاڼه کې راغلي چې دغه ۲۴ کلن سرتېری د یکشنبې په ورځ په کندهار ولایت کې مړ شوی دی.
سرچینې په دې اړه نور معلومات نه دي ورکړي، خو زیاته کړې یې ده چې د پېښې د څرنګوالي په اړه پلټنې پیل شوې دي.
په خبرپاڼه کې راغلي چې یاد سرتېري په افغانستان کې له ترهګرۍ سره په روانه مبارزه کې د امریکا په ځواکونو کې دنده ترسره کړې او یو مډال یې هم ترلاسه کړی و.
د یادونې ده چې څه موده مخکې په فراه ولایت کې هم یو امریکایي سرتېری په یوه غیر نظامي پېښه کې مړ شوی و.
څلورمیاشتې مخکې په قطر کې د امریکا او طالبانو ترمنځ تر تړون وروسته په افغانستان کې پر امریکایي ځواکونو هیڅ ډول برید نه دی شوی.
د امریکا ځانګړي استازي زلمي خلیلزاد ویلي چې په یاده موده کې تراوسه هیڅ امریکایي سرتېری په افغانستان کې نه دی وژل شوی.
خو په غیر نظامي او ترافیکي پېښو کې یې یو شمېر سرتېرو ته مرګ ژوبله اوښتې ده.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن