د پژواک خدمتونه

د انځورونو څانګه

غږيزه څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

په کندهار کې ۲۵ وسله والو او ۱۳ پولیسو ته مرګ ژوبله اوښتې ده

په کندهار کې ۲۵ وسله والو او ۱۳ پولیسو ته مرګ ژوبله اوښتې ده

Jul 15, 2020 - 10:48

لومړی تعقیب، کندهار (پژواک، ۲۵ چنګاښ ۹۹): د کندهار په میوند ولسوالۍ کې د امنیتي ځواکونو او وسله والو طالبانو ترمنځ جګړه شوې چې په کې ۲۵ وسله والو او ۱۳ پولیسو ته مرګ ژوبله اوښتې ده.

د کندهار د امنیې قوماندانۍ ویاند جمال ناصر بارکزي د چنګاښ په ۲۵مه، پژواک خبري اژانس ته وویل، وسله والو طالبانو تېره شپه د میوند ولسوالۍ د سره بغل او د عش اباد سیمو پر امنیتي پوستو برید وکړ چې د دواړلو لورو ترمنځ جګړڅو ساعته دوام وکړ.

هغه زیاته کړه، وروسته له هوايي ځواک څخه هم کار اخیستل شوی او طالبان په نښه شوي دي.

د ده په خبره، په مخامخ جګړه او هوايي برید کې ۱۵ وسله وال وژل شوي او ۱۰ نور ټپيان شوي دي.

دغه راز ده یادونه وکړه چې په دې جګړه کې ۳ پولیس هم وژل شوي او ۴ نور ټپيان شوي دي.

خو د دې ولسوالۍ یوې امنیتي باوري سرچینې پژواک اژانس ته وویل چې په دې برید کې ۷ پولیس وژل شوي او ۶ نور ټپيان شوي.

وسله والو طالبانو تر دې مهاله په دې اړه څه نه دي ویلي.

ميوند ولسوالۍ د کندهار ښار په ٧٠ کيلومترۍ کې د هرات- کندهار پر لويه لاره پرته ده چې د دې ولایت له ناامنو ولسوالیو څخه ګڼل کېږي.

په دې وروستیو کې په کندهار کې د ناامنۍ پېښې ډېرې شوي او وسله والو طالبانو په ولسوالیو کې د امنیتي ځواکونو پر پوستو بریدونو ته زور ورکړی دی.

ورته راپورونه:

نظر ورکړئ

اعلانونه

Advertisement

Etisalat Get more data, Etisalat Afghanistan