سرپل (پژواک، ۲۶ چنګاښ ۹۹): د سرپل د والي ویاند وایي چې تېره شپه د دغه ولایت د مرکز اړوند سمیه کې د طالبانو او دولتي ځواکونو ترمنځ جګړه کې له دواړو خواوو ۳۶ کسانو ته مرګ ژوبله اوښتې ده.
د سرپل د والي ویاند ذبيح الله اماني وایي چې وسله والو طالبانو تېره شپه د دغه ولایت د مرکز اړوند «ګولایي تخته» سیمه کې د ملي پولسیو او ملي امنیت پر پوستو بریدونه کړي دي.
د هغه په خبره, په دغه برید کې لس طالبان او یو دولتي سرتېری وژل شوي دي
نوموړی وایي چې د ابو هریره په نوم د طالبانو یو قوماندان هم وژل شوی دی، لس طالبان او ۱۵ دولتي سرتېري ټپیان شوي دي.
طالبانو تراوسه په دې اړه څه نه دي ویلي.
دا په داسې حال کې ده چې په دې وروستیو ورځو کې د دغه ولایت په ولسوالیو او مرکز کې د طالبانو بریدونه ډېر شوي دي.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن