د پژواک خدمتونه

د انځورونو څانګه

غږيزه څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

د عامې روغتيا وزير: د بلخ په حوزوي روغتون کې د شفافيت په نوم څه نشته

د عامې روغتيا وزير: د بلخ په حوزوي روغتون کې د شفافيت په نوم څه نشته

Aug 03, 2020 - 17:12

مزارشريف (پژواک، ١٣ زمری ٩٩): د افغانستان د عامې روغتيا وزير وايي چې د بلخ په حوزوي روغتون کې د شفافيت په نوم څه نشته.

د عامې روغتيا سرپرست وزير احمد جواد عثماني د زمري په ۱۳مه مزارشريف ښار کې يوه خبري کنفرانس ته وويل چې له فساد سره مبارزه يې په لومړيتوبونو کې ده.

هغه زياته کړه چې په يو شمېر ولايتونو کې روغتيايي خدمات له ګڼو ستونزو سره مخ دي.

عثماني د بلخ حوزوي روغتون ته اشاره وکړه او ويې ويل چې په دغه روغتون کې د شفافيت په نوم څه نشته.

نوموړي زياته کړه: ((ما د مزارشريف حوزوي روغتون له بېلابېلو څانګو ليدنه وکړه، ګودام ته ورغلم، جالبه وه، ګودام دار راته وويل چې صادره او وارده کتاب نشته؛ يعني هېڅوک نه پوهېږي چې دغه روغتون ته ځه راوړل کېږي او څه ترې وړل کېږي، دا حالت خواشينوونکی دی.))

د عامې روغتيا وزير همدا راز وويل چې خلکو ته د خدماتو وړاندې کېدو پر ځای د حوزوي روغتون مسوولينو ځانونو ته مجلل قصرونه جوړ کړي دي.

له دې سره ډاکټر خليل حکمتي يو ځل بيا د بلخ عامې روغتيا رييس په توګه معرفي شو.

نوموړی نږدې درې مياشتې وړاندې له پخواني رييس ميرويس ربېع سره د اختلافونو له امله تبديل شوی و.

د عامې روغتيا وزير د حکمتي د معرفي کېدو مراسمو ته وويل چې نوموړی د ولسمشر غني په حکم او د عطامحمد نور په مشوره د بلخ عامې روغتيا رياست لپاره بيا غوره شو.

سرپرست وزير وويل: ((نن د بلخيانو يوه غوښتنه پوره کېږي، حکمتي د ولسمشر په حکم او د عطامحمد نور په مشوره يو ځل بيا د بلخ عامې روغتيا رييس په توګه معرفي شو او تاسې ته يې رسما در پېژنم.))

هغه وويل چې هېڅوک حق نه لري؛ څو د بلخ عامې روغتيا په چوکاټ کې ډلې ټپلې جوړې کړي.

د عامې روغتيا وزير همدا راز وويل چې په ټول هېواد کې د کرونا ويروس پېښې مخ پر کښته روانې دي خو له خلکو يې غوښتنه  وکړه چې لا هم روغتيايي لارښوونې مراعات کړي.

د بلخ د عامې روغتيا نوی ټاکل شوی رييس ډاکتر خليل حکمتي پژواک ته وويل، ژمن دی څو د عامې روغتيا وزارت له ملي ستراتیژۍ سره سم خلکو ته صحي خدمات  وړاندې کړي.

د حکمتي په خبره، دولتي څوکۍ د هېڅ چا شخصي او ميراثي مال نه دی.

هغه وويل چې پرته له کوم توپيره به خلکو ته صحي خدمات وړاندې کوي او هڅه به يې دا وي چې سيستم محوره اداره رامنځته کړي.

د بلخ د ولايتي شورا رييس افضل حديد هم خوښي وښوده چې په بلخ کې د عامې روغتيا رياست په چوکاټ کې جنجالونه پای ته ورسېدل.

هغه وويل چې وروستيو وختونو کې د بلخ حوزوي روغتون خدمات نهايتا خرابې کچې ته راټيټ شوي دي.

حديد غوښتنه وکړه چې عامې روغتيا وزارت بايد د بلخ صحت عامې د تجهيز برخې ته جدي پاملرنه وکړي.

د ولايتي شورا رييس همدا راز غوښتنه وکړه چې ملکي ادارې دې د سياسي او ګوندي ډلبازيو په موخه نه کارېږي.

د بلخ د حوزوي روغتون سرطبيب ډاکتر معراج الدين فاروقي هم پژواک ته وويل چې د دغه روغتون په مالي او تدارکاتي برخو کې روڼتيا نشته.

هغه غوښتنه  وکړه چې عامې روغتيا وزارت بايد يادې موضوع ته په جدي ډول پاملرنه وکړي.

ورته راپورونه:

نظر ورکړئ

اعلانونه

Advertisement

Etisalat Get more data, Etisalat Afghanistan