د پژواک خدمتونه

د انځورونو څانګه

غږيزه څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

صديقي : ٤٠٠طالب زندانيان د افغانستان او ځينو هېوادونو په تور لېست کې دي

صديقي : ٤٠٠طالب زندانيان د افغانستان او ځينو هېوادونو په تور لېست کې دي

Aug 03, 2020 - 16:33

کابل(پژواک،۱۳زمرى ۹۹): د ولسمشر وياند وايي چې د مشورتي لويې جرګې له جوړېدو موخه د ٤٠٠طالب بنديانو د خوشې کېدو په اړه د ملي اجماع رامنځته کول دي، ځکه ياد بنديان د افغانستان او ځينو بهرنيو هېوادونو په تور لېست کې شامل دي.

په قطر کې د امريکا او طالبانو ترمنځ د شوي توافق په اساس چې د ١٣٩٨کال د کب په لسمه لاسليک شو، بايد له بين الافغاني خبرو مخکې حکومت پنځه زره طالب بنديان او طالبان بايد زر تنه حکومتي بنديان خوشې کړي.

د ملي امنيت شورا د معلوماتو په اساس، د افغانستان دولت تراوسه د لېست مطابق٤٦٠٠طالب بنديان او ٣١٧نور د طالبانو اړوند بنديان خوشې کړي دي.   

طالبانو ويلي چې دوى د دولت زر بنديان خوشې کړي دي.

ولسمشر غني ويلي چې د اساسي قانون او د جزا قانون په اساس دوى نور پاتې ٤٠٠ طالب بنديان چې په لېست کې دي نه شي خوشې کولى.

هغه د لوى اختر په لومړۍ ورځ وويل چې د پاتې ٤٠٠ بنديانو د خوشې کېدو په موخه لويه مشورتي جرګه راغواړي.

 د ولسمشر وياند صدیق صدیقي نن په کابل کې يوې خبري ناستې ته وويل چې د لويې جرګې کمېټه جوړه شوې او ټاکل شوې چې سبا له ملت سره په دې اړه نور جزييات شريک شي.

هغه وويل چې د سولې برخه کې د دولت وزارت او د مصالحې عالي شورا په دې برخه کې په شدت سره کار پيل کړى او جرګه به په ټاکل شوې نېټه (د زمري په ١٧مه )پيل کړي.  

د صديقي په خبره چې ولسمشر لارښوونه کړې چې په دې جرګه لږ مصرف شي او ټول روغتيايي تدابير دې ونيول شي.

هغه زياته کړه، د اساسي قانون له مخې ولسمشر د يادو ٤٠٠بنديانو د خوشې کولو واک نه لري، ځينې له ٢تر ٤٠ تنو په قتل،ځينې يې د نشه يي توکو په قاچاق او انسان تښتونو متهم دي او يوشمېر يې په اعدام محکوم دي.

صديقي د يوې پوښتنې په ځواب کې وويل ((دا بنديان يواځې د افغانستان دولت په تور لېست کې نه ، بلکې د ځينو هېوادونو په تور لېست کې هم شامل دي، چې په اړه يې بايد مشورې وشي، حکومت تل هڅه کړې چې د ملي مسايلو په اړه د خلکو مشوره واخلي او د لويې جرګې جوړېدل ددغسې ملي مسايلو په اړه جوړيږي.))

ده زياته کړه :((حکومت غواړي چې په لويه مشورتي جرګه کې د سولې اړوند ټول جزييات او خطرونه يې له خلکو سره شريک کړي.))

 په همدې حال کې يوې حکومتي سرچينې چې نه غواړي نوم يې واخيستل شي پژواک ته وويل چې ټاکل شوې دغه جرګه له درې تر پنځو ورځو پورې دوام وکړي، چې ګډونوال به يې له د بنديانو د خوشې کولو، اوربند او د بين الافغاني مذاکراتو په اړه خبرې وکړي.

نښه: 

ورته راپورونه:

نظر ورکړئ

اعلانونه

Advertisement

Etisalat Get more data, Etisalat Afghanistan