د پژواک خدمتونه

د انځورونو څانګه

غږيزه څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

سعودي: د عمرې بيا پيلولو ارزونه به ډېر ژر پيل کړو

سعودي: د عمرې بيا پيلولو ارزونه به ډېر ژر پيل کړو

Aug 04, 2020 - 12:10

کابل (پژواک، ١٤ زمرى ٩٩): د سعودي د حج او عمرې وزارت ويلي چې په محدود ډول د حج مراسمو له ترسره کېدو وروسته د عمرې د بيا پيلولو ارزونه به ډېر ژر پيل کړي.

وروسته له هغه چې د کرونا وبا د سعودي په ګډون په ټوله نړۍ کې خپره شوه، د سعودي عربستان حکومت له تېرو پنځو مياشتو راهيسې د عمرې مراسم بند کړي او سږ کال يې د حج فريضه هم په محدود ډول ترسره کړه.

د راپورونو له مخې، تر دې دمه په سعودي کې ٢٨٠زره کسان پر کرونا اخته شوي، ٢٩٤٩ تنه مړه او ٢٤٢زره کسان بېرته روغ شوي دي.

د سعودي د حج او عمرې وزارت مرستيال ډاکتر حسين شريف ويلي چې د کرونا په احتياطي تدابيرو کې د حج مراسمو ترسره کېدو له تجربو په استفادې به د عمرې د بيا پيلولو ارزونه ډېر ژر پيل کړي.

هغه زياته کړې چې دوى به د عمرې سيزن پيلولو لپاره چمتووالي هم ډېر ژر پيل کړي.

د يادونې ده، هر کال د حج مراسمو له پاى ته رسېدو او خپلو هېوادونو ته د حاجيانو د لېږد له پروسې وروسته د عمرې مراسم پيلېږي.

ډاکتر شريف له حاجيانو غوښتي چې د حج له مراسمو وروسته چې خپلو کورونو ته ستنېږي، بايد اووه ورځې ځانونه قرنطين کړي.

د سعودي د روغتيا وزارت ويلي چې د تېر حج په مراسمو کې چې د هېڅ حاجي د کرونا ټسټ مثبت نه دى راوتلی او ټول روغ وو.

نښه: 

ورته راپورونه:

نظر ورکړئ

اعلانونه

Advertisement

Etisalat Get more data, Etisalat Afghanistan