د پژواک خدمتونه

د انځورونو څانګه

غږيزه څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

د بشري حقونو کمېسیون: د اختر ورځو نا امنيو کې ١٥٤ کسانو ته مرګ ژوبله اوښتې ده

د بشري حقونو کمېسیون: د اختر ورځو نا امنيو کې ١٥٤ کسانو ته مرګ ژوبله اوښتې ده

Aug 05, 2020 - 16:26

کابل (پژواک، ١٥ زمرى ٩٩): د بشري حقونو خپلواک کمېسيون وايي چې د اختر د اوربند پر مهال په ټول هېواد کې د نا امنيو له امله ١٥٤ کسانو ته مرګ ژوبله اوښتې ده.

د ياد کمېسيون له خوا د زمري په ١٥مه په يوه خپره شوې خبرپاڼه کې راغلي چې د شخړې د ښکېلو غاړو د درې ورځني اوربند له اعلان سره سره ملکي مرګ ژوبله لا هم روانه وه او په منځني ډول هره ورځ ۳۸ ملکي وګړي وژل شوي او ټپيان شوي دي.

سرچينې زياته کړې، د افغانستان د بشري حقونو خپلواک کمېسيون موندنې ښيي چې د عرفې ورځې په ګډون د اختر په ورځو کې د ناامنۍ ۷ پېښې رامنځته شوې دي چې ۱۵۴ کسانو ته په کې مرګ ژوبله اوښتې ده چې له ډلې یې ۳۲ کسان وژل شوي او ۱۲۲ نور ټپيان شوي دي.

د بشري حقونو خپلواک کمېسيون ويلي چې دا پېښې په لوګر، هرات، اروزګان، غزني او ننګرهار  ولايتونو کې رامنځته شوي چې ډېرى يې د وسله والو مخالفينو له خوا ترسره شوي دي.

دغه راز په خبرپاڼه کې راغلي چې له يادې مرګ ژوبلې د ۱۳۹۹ کال د زمري په ۹مه د کندهار په سپین بولدک ولسوالۍ کې د پاکستاني پوله ساتونکو په بريدونو کې ۱۰۴ کسانو ته مرګ ژوبله اوښتې، چې ۱۵ کسان وژل شوي او پاتې نور ټپيان وو.

بلخوا د کورنيو چارو وزارت ويلي چې د اختر د ورځو د اوربند پر مهال وسله والو طالبانو ٣٨ ځلې سرغړونې کړې دي.

دغه وزارت په يوه خپره شوې خبرپاڼه کې ويلي چې د طالبانو په دغو بريدونو کې ٢٠ ملکي وژل شوي او ٤٠ نور ژوبل شوي وو.

خو طالبانو دا ادعا رد کړې وه.

ورته راپورونه:

نظر ورکړئ

اعلانونه

Advertisement

Etisalat Get more data, Etisalat Afghanistan