د پژواک خدمتونه

د انځورونو څانګه

غږيزه څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

مزارشريف کې د ۸۲ جوړو د واده ډله ييز مراسم ترسره شول

مزارشريف کې د ۸۲ جوړو د واده ډله ييز مراسم ترسره شول

Aug 06, 2020 - 15:47

مزارشريف (پژواک، ۱۶ زمری ۹۹): د بلخ په مرکز مزارشريف ښار کې ۸۲ ځوانو جوړو د ډله ييزو مراسمو په جوړولو سره ودونه وکړل.

دغه مراسم د زمري په ۱۶مه د مزارشريف ښار د سجاديه ښارګوټي په يوې خصوصي مدرسه کې جوړ شوي وو چې ټولټال ۱۸۴ ځوانانو او پېغلو په کې د ګډ ژوند تعهد او تړون وکړ.

دا هغه ځوانان او نجونې وې چې کلونه مخکې يې کوژدې کړې وې، خو د اقتصادي ستونزو له امله يې نه شو کولای چې ودونه وکړي.

سکينه د مزارشريف اوسېدونکې ده چې دوه کاله وړاندې يې کوژده کړې وه.

هغې پژواک خبري اژانس ته وويل چې خاوند يې له يوې غريبې کورنۍ سره تړاو لري او نه يې شو کولی چې په خپل لګښت باندې واده کړي.

د سکينې په خبره، هره نجلۍ او ځوان غواړي چې په هوټل کې ښه او مفشن واده وکړي خو په دې برخه کې بايد عاقلانه فکر وشي او د يوې ورځې خوشالۍ په خاطر ځان له اقتصادي اړخه ژوبل نه کړل شي.

هغې وويل: ((ما مې چې د مېړه وضعيت وکوت، نو خپله دې ته حاضره شوم چې د ډله ييزو مراسمو له لارې واده وکړو؛ ځکه دلته پر موږ مصرف نه راځي، زما لپاره دا مهمه ده چې خاوند مې ژوندی او خوشاله وي؛ نور خو واده يوه ورځ دی او تېرېږي.))

نوموړې همدا راز له نورو خلکو هم غوښتنه وکړه چې پر خپلو ودونو باندې ډېر مصارف ونه کړي.

محمد عالم بيا د کومانډو ځواکونو سرتېری دی چې د دغه ډله ييزو مراسمو له لارې يې له خپلې کوژدنې سره مشترک ژوند پيل کړ.

هغه پژواک ته وويل چې نه يې شو کولی چې د عسکرۍ په پيسو باندې ځانته واده وکړي؛ نو ځکه يې دغه مدرسه کې نوم ثبت کړ او دا دی نن يې واده وشو.

نوموړي وويل: ((زه خوشاله يم او دې خلکو ته دعا کوم چې زما په څېر د ډېرو بېوزله ځوانانو او نجونو لاسنيوی کوي، زه يو عسکر يم، دوه کاله مې د کوژدې کېدل، خو له وسې مې نه وو پوره چې په خپل لګښت باندې واده وکړم.))

هغه د هېواد پر ملي سوداګرو غږ کوي چې له بېځايه مصارفو ډډه وکړي او پر ځای دې يې له بېوزله خلکو سره کمک وکړي.

د ډله ييز ودونو د مراسمو يوه جوړوونکي او د حسينيه مدرسې استاد سيد محمد حسيني پژواک ته وويل چې دا پرله پسې اووم کال دی چې دغه مدرسه د کوژده شويو بېوزله جوړو ودونه ترسره کوي.

هغه زيآته کړه چې د سږ کال په مراسمو کې يې ټولټال ۸۲ جوړو ته د واده مرسم برابر کړي چې هرې جوړې باندې څه باندې ۳۸زره افغانۍ لګښت راغلی دی.

ښاغلي حسيني وويل چې دغه ځوانان د يوې شفافې پروسې له لارې انتخابېږي چې په رښتيا هم بېوزله وي.

د هغه په خبره د ډله ييز واده په سږنيو مراسمو ټول ټال درې مليونه او يو سلو شپېته زره افغانۍ لګښت شوی دی چې يو برخه کې يې د مدرسې له بوديجې او نورې يې د خير رسوونکو افرادو لخوا مرسته شوي دي.

نوموړي وويل چې تېر کال هم حسينيه مدرسې له خوا ۷۵ جوړو ته د ډله ييز واده مراسم نيول شوي وو.

ورته راپورونه:

نظر ورکړئ

اعلانونه

Advertisement

Etisalat Get more data, Etisalat Afghanistan