د پژواک خدمتونه

د انځورونو څانګه

غږيزه څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

قريشي او پومپيو: لويه جرګه به د طالب بنديانو خوشې کولو ته لاره هواره کړي

قريشي او پومپيو: لويه جرګه به د طالب بنديانو خوشې کولو ته لاره هواره کړي

Aug 08, 2020 - 11:36

کابل (پژواک، ١٨ زمرى ٩٩) : د امریکا د بهرنیو چارو وزیر مایک پمپيو وايي، د پاکستان د بهرنیو چارو له وزیر شاه محمود قریشي سره یې د افغان سولې بهیر په اړه خبرې کړې دي.

پومپیو پرون ناوخته په خپله ټويټرپاڼه کې لیکلي چې له خپل پاکستاني سیال سره یې د ټيلېفون له لارې د افغان سولې په اړه د دوامداره همکارۍ او سیمه کې د ثبات د اهمیت په اړه خبرې کړې دي.

د امريکا د بهرنيو چارو وزير د ګټو اهدافو ترلاسه کېدو لپاره د همکارۍ زیاتوالي ته هیله مندي ښودلې ده.

بلخوا د پاکستان د بهرنيو چارو وزارت له خوا په يوه خپره شوې خبرپاڼه کې راغلي، چې قريشي او پومپيو د افغان سولې پروسې د وروستيو پرمختګونو په اړه سلا مشورې کړې دي.

سرچينې زياته کړې، قريشي پومپيو ته ډاډ ورکړى چې د افغان شخړې د سياسي هواري لپاره به خپلو سوله ييزو هڅو ته ادامه ورکوي.

دغه راز نوموړي د ژر تر ژره بين الافغاني مذاکراتو پر پيلېدو هم ټينګار کړى او په ډاګه کړې يې ده چې له مشورتي لويې جرګې سره به دغه کار ته لاره هواره شي.

د امریکا د بهرنیو چارو وزیر مایک پومپيو داسې مهال له شاه محمود قریشي سره د افغان سولې په اړه خبري کړي چې پرون جمعه په کابل کې د ۴۰۰ طالب بندیانو د برخلیک په اړه مشورتي لویه جرګه پيل شوې ده.

بلخوا د امریکا د بهرنیو چارو وزیر د سولې په اړه د مشورتي لویې جرګې له تر سره کېدو هر کلی کړی او هغه یې په افغانستان کې د جګړې د پای ته رسېدو لپاره تاریخي فرصت بللی دی.

د امریکا د بهرنیو چارو وزیر ویلي چې د ۴۰۰ طالب بندیانو ازادول به د بین الافغاني خبرو پیلېدو لامل شي.

ورته راپورونه:

نظر ورکړئ

اعلانونه

Advertisement

Etisalat Get more data, Etisalat Afghanistan