د پژواک خدمتونه

د انځورونو څانګه

غږيزه څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

له ايرلينډ وروسته زمبابوې هم له افغانستان سره د کرکټ لوبې لغوه کړې

له ايرلينډ وروسته زمبابوې هم له افغانستان سره د کرکټ لوبې لغوه کړې

Aug 08, 2020 - 16:34

کابل (پژواک، ١٨ زمرى ٩٩): له ايرلينډ وروسته د زمبابوې کرکټ ادارې هم له افغانستان سره پلان شوې د کرکت لوبې لغوه اعلان کړې دي.

د زمبابوې کرکټ ادارې له خوا د زمري په ١٨مه په يوه خپره شوې خبرپاڼه کې راغلي چې ټاکل شوې وه په روانه اګست مياشت کې له افغانستان سره د کرکټ د پنځو شل اووريزو سياليو کوربه توب وکړي.

خو سرچينې زياته کړې چې د زمبابوې حکومت د کرکټ ادارې ته مشوره ورکړې چې د کرونا وبا د خپرېدو له امله اوس مهال دا لوبې ممکنې نه دي؛ ځکه بايد لغوه شي.

د افغانستان کرکټ بورډ وياند فريد هوتک هم وايي چې ټاکل شوې وه په نږدې راتلونکي کې د افغانستان او زمبابوې کرکټ ملي لوب‌‌‌‌‌‌ډلو ترمنځ پنځه شل اوریزې لوبې ترسره شوې وای.

‏خو هغه زياتوي چې د زمبابوې حکومت خپلې کرکټ ادارې ته د کرونا ویروس د خطر له امله د یادو لوبو کولو اجازه ورنه کړه.

دي یادونې ده، له دې مخکې د ايرلينډ کرکټ ادارې هم د ځينو ستونزو له امله له افغانستان سره پلان شوې پنځه شل اووريزې لوبې نه شي ترسره کولى.

د ايرلينډ کرکټ ادارې مشر وارن ډيټرون ويلي وو: "موږ د افغانستان کرکټ بورډ ته خبر ورکړی چې موږ نه شو کولی په ۲۰۲۰ کال کې د پنځو پلان شوو شل اووريزو لوبو لپاره د هغوی کوربه توب وکړو."

هغه زياته کړې، دوى له ډېرې مودې راهيسې د افغانستان د لوبډلې سيالان دي او بيا به هم وي، خو په اوسني وضعيت کې د يوې مسوولې ادارې په توګه د خپلو امکاناتو پر اساس فعاليت کوي.

افغانستان له ایرلنډ سره دا لوبې له شل اووريز نړيوال جام څخه مخکې پلان کړې وې. د ۲۰۲۰ کال نړیوال جام د اکتوبر په مياشت کې پيلېږي، چې د افغانستان په ګډون به په کې ۱۴ لوبډلې ولوبيږي.

نښه: 

ورته راپورونه:

نظر ورکړئ

اعلانونه

Advertisement

Etisalat Get more data, Etisalat Afghanistan