خوست، ګردېز (پژواک، ٢٠ زمرى ٩٩) : په خوست ولايت کې د يوې چاودنې له امله دوه ماشومان وژل شوي، بلخوا په پکتيا کې وسله والو طالبانو د افغان ځواکونو پر کاروان بريد کړى دى.
د خوست د موسی خېلو ولسوالۍ ولسوال ګلاب منګل د زمري په ٢٠مه، پژواک خبري اژانس ته وويل ، دغه چاودنه نن له غرمې وروسته د ماسپښين شاوخوا درې بجې د «کاڅ» په کلي کې شوې.
هغه زياته کړه چې ماين د ماشومانو د لوبو پرمهال چاودېدلی چې له امله يې دوه ماشومان ځای پر ځای وژل شوي او يو بل اته کلن ماشوم ټپي شوی دی.
د خوست امنيه قوماندانۍ مطبوعاتي مسوول عادل حيدر هم پژواک اژانس سره خبرو کې د پېښې پخلی وکړ.
د حيدر په خبره، ماين د وسله والو طالبانو له خوا اېښودل شوی و، خو وسله والو طالبانو تراوسه په دې اړه څه نه دي ويلي.
د يو بل خبر له مخې، د پکتيا ولايت په سټوکنډو سيمه کې وسله والو طالبانو د امنيتي ځواکونو په موټريز کاروان وسله وال بريد کړی.
د پکتيا د امنيه قوماندانۍ مطبوعاتي مسوولين وايي، ياد وسله وال بريد د اکمالاتو په موټر شوی، چې په کې يو پوليس ټپي شوی دی.
خو ځينو نورو سرچينو د يو شمېر پوليسو د مرګ ژوبلې خبر ورکړى دى.
وسله والو طالبانو تر اوسه په دې اړه څخه نه دي ويلي.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن