کابل (پژواک، ٢١ زمرى ٩٩) : د تاجکستان د ترانسپورټ وزير خدايار خدايارزاده ، د ځان وژنې په يوه هڅه کې سخت ټپي شوى دى.
د راپورونو له مخې، دا پېښه نن سهار وخته د دغه هېواد د پلازمېنې دوشنبې ښار په يوه اپارتمان کې چېرته چې خدايار اوسېده، رامنځته شوې ده.
د تاجکستان لويې څارنوالۍ ويلي چې نوموړي نن سهار د چاقو په وسيله د ځان وژنې هڅه کړې وه، خو د کورنۍ د غړو له لوري په بېړنۍ توګه روغتون ته وړل شوى او اوس تردرملنې لاندې دى.
د سرچينو د معلوماتو له مخې، هغه دغه کار د کورني تاوتريخوالي له امله کړى دى.
د تاجکستان لويې څارنوالۍ ويلي چې ددې جنايي پېښې په اړه يې پلټنې پيل کړې دي.
خدايار چې اوسمهال ٦٢ کاله عمر لري تر دې مخکې د پارلمان غړى هم و.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن