کابل (پژواک، ۲۱ زمری ۹۹): د کابل ښار د يوولسمې امنيتي حوزې اړوند د خيرخانې نوې پروژې پر سړک پر يو هايلکس موټر د ماين چاودنې يو کس وژلی او دوه نور ټپيان شوي دي.
د کابل امنيې قوماندانۍ وياند فردوس فرامرز د دغه مطلب په بيانولو سره پژواک خبري اژانس ته وويل چې دغه چاودنه نن سهار شاوخوا اووه بجې د کابل ښار د يوولسمې امنيتي حوزې اړوند د خيرخانې نوې پروژې پر سړک شوې ده.
هغه په دې اړه نور جزئيات ورنه کړل او تر دې دمه د يادې چاودنې مسووليت هم چا پر غاړه نه دی اخيستی.
خو يوې امنيتې سرچينې پژواک ته وويل چې په دې چادونه کې وژل شوی او ټپيان د ملي امنيت رياست کارکوونکي دي.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن