د پژواک خدمتونه

د انځورونو څانګه

غږيزه څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

د کندوز والي: د امنيتي ځواکونو په ليکو کې وظيفوي غفلت ډېر دى

د کندوز والي: د امنيتي ځواکونو په ليکو کې وظيفوي غفلت ډېر دى

Aug 13, 2020 - 16:42

کندوز ښار (پژواک، ٢٣ زمرى ٩٩): د کندوز والي وايي چې په دغه ولايت کې امنيتي وضعيت د اندېښنې وړ دى، امنيتي ارګانونه بايد د امنيت د ټينګښت لپاره جدي هلې ځلې وکړي.

د کندوز والي عبدالستار ميرزکوال د دغه ولايت له يو شمېر مشرانو سره د لېدلو پرمهال وويل، په دغه ولايت کې امنيتي وضعيت ځکه ښه نه دى چې امنيتي ارګانونه يې په ژور خوب ويده دي.

هغه وايي: ((اوس ددې وخت را رسېدلى چې دغه ځواکونه له خوبه ويښ شي او حرکت پيل کړي.))

د ميرزکوال په اند، په دغه ولايت کې هر سرتېرى چې وژل کيږي په دې معنى ده چې وظيفوي غفلت شوى او له سرتېري نه سمه ګټه نه ده اخيستل شوې.

نوموړي د کندوز له خلکو غوښتنه وکړه چې له خپلو امنيتي اورګانونو سره همکاري وکړي، ترڅو په نږدې راتلوونکي کې په امنيتي وضعيت کې د پام وړ بدلون شاهدان و اوسي.

خو په کندوز کې مدني فعال شهباز صابري بيا وايي چې والي ددغه ډول څرګندونې پرځاى بايد د امنيت د ټينګښت او نورو برخو د پراختيا لپاره جدي کار وکړي.

هغه وايي: ((موږ ته تل چارواکي غوړې وعدې راکوي، دا کار دې نه کوي هرڅه دې په عمل کې ثابت کړي.))

بل لورته د کندوز امنيتي مسوولينو د دغه ولايت د والي د څرګندونو په اړه له څه ويلو ډډه وکړه.

د يادونې ده چې عبدالستار ميرزکووال شاوخوا درې اوونۍ وړاندې د کندوز د والي په توګه دنده پيل کړه.

نښه: 

ورته راپورونه:

نظر ورکړئ

اعلانونه

Advertisement

Etisalat Get more data, Etisalat Afghanistan