د پژواک خدمتونه

د انځورونو څانګه

غږيزه څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

غزني کې د چاودنې له امله شپږو کسانو ته مرګ ژوبله اوښتې

غزني کې د چاودنې له امله شپږو کسانو ته مرګ ژوبله اوښتې

Aug 13, 2020 - 11:03

غزني ښار (پژواک، ٢٣ زمرى ٩٩): د غزني حکومتي مسوولين وايي چې په غزني ښار کې د ماين چاودنې له امله يو پوليس وژل شوى او د څلورو ملکي وګړو په ګډون پنځه تنه نور ټپيان شوي دي.

د غزني د والي وياند واحد الله جمعه زاده د زمري په ٢٣ مه پژواک خبري اژانس ته وويل چې نن له غرمې مخکې شاوخوا لس بجې د درېيمې حوزې په مربوطاتو کې د کابل-کندهار پر لويه لار په ترانسپورټ څلور لاري کې د چسپکي ماين چاودنه شوې ده.

هغه وايي چې په دې پېښه کې يو پوليس وژل شوى او يو پوليس او څلور ملکي وګړي ټپيان شوي دي.

خو د غزني ولايتي روغتون رييس ډاکټر باز محمد بيا وايي چې له يادې پېښې څخه دوى ته پنځه ټپيان انتقال شوي چې څلور يې پوليس دي.

په ورته وخت کې د پېښې يو تن عيني شاهد عبدالرشيد پژواک ته وويل چې په دې پېښه کې يو پوليس وژل شوى او څو نور ټپيان شوي دي.

هغه وايي: ((ما خپله ولېده چې يو پوليس مړ و څو تنه يې ټپيان وو، ماين يې ورته په ګلدان کې اېښى و.))

د يادې پېښې مسووليت تراوسه کومې وسله والې ډلې نه دى منلى .

ورته راپورونه:

نظر ورکړئ

اعلانونه

Advertisement

Etisalat Get more data, Etisalat Afghanistan