ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

کندهار کې چاودنې څلور ملکي وګړي ووژل او شپږ نور یې ټپيان کړل

کندهار کې چاودنې څلور ملکي وګړي ووژل او شپږ نور یې ټپيان کړل

author avatar
13 Aug 2020 - 11:43
کندهار کې چاودنې څلور ملکي وګړي ووژل او شپږ نور یې ټپيان کړل
author avatar
13 Aug 2020 - 11:43

کندهار (پژواک، ۲۳ زمری ۹۹): د کندهار په پنجوايي ولسوالۍ کې د سړک غاړې ماین د چاودنې له امله د ښځو او ماشومانو په ګډون څلور تنه وژل شوي او شپږ نور ټپیان شوي دي.

د کندهار د امنیې قوماندانۍ ویاند جمال ناصر بارکزي پژواک خبري اژانس ته وویل، نن سهار شاوخوا نهه بجې د پنجوايي ولسوالۍ په زلخان سیمه کې د ملکي وګړو پر یوه فلډر موټر د سړک غاړې ماین چاودنه شوې ده.

هغه زیاته کړه په دې چاودنه کې څلور تنه وژل شوي او شپږ نور ټپيان شوي دي.

د ده په وینا، په وژل شوو کې درې ښځې او یوه ماشومه او په ټپيانو کې څلور ماشومان، یوه ښځه او یو نارینه شامل دي.

ده وویل، دغه ماین د وسله والو طالبانو له خوا امنیتي ځواکونو ته ځای پر ځای شوی و چې ملکي وګړي یې ښکار شول.

خو وسله والو طالبانو په دې اړه څه نه دي ویلي.

په دې وروستیو کې د کندهار په یو شمېر ولسوالیو کې د سړک غاړې ماین چاودنې ډېرې شوي چې تېره یوه میاشت یې ګڼو ملکي وګړو ته مرګ ژوبله اړولې ده.

پنځه ورځې مخکې هم د کندهار په ارغستان ولسوالۍ کې په دوو جلا چاودنو ۱۰ ملکي وګړي وژل شوي وو.

login or register a new account.

ورته موضوع

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.