د پژواک خدمتونه

د انځورونو څانګه

غږيزه څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

د پلار د بې پروايۍ له امله اورلګېدنه کې درې ماشومان مړه شوي

د پلار د بې پروايۍ له امله اورلګېدنه کې درې ماشومان مړه شوي

Aug 15, 2020 - 13:36

کندهار (پژواک، ۲۵ زمری ۹۹): په کندهار کې د یوه کس د بې پروايي له امله اور لګېدلی او درې ماشومان یې په کې سوځېدلي او مړه شوي دي.

دغه پېښه تېره ورځ ناوخته د کندهار په صنعتي پارک کې شوې ده.

د کندهار د امنیې قوماندانۍ ویاند جمال ناصر بارکزي پژواک خبري اژانس ته وویل، د کندهار په صنعتي پارک کې یوه څوکیدار د خسو په څاله کې پر ګاز چای ایشاوه چې له امله یې اورلګېدلی دی.

خارګاه یا څاله په کندهار کې د دوبي په موسم کې له ګرمۍ د خوندیتوب په موخه له ځوزانو جوړېږي.

هغه زیاته کړه، اور هغه مهال لګېدلی چې څوکیدار د لمانځه لپاره جومات ته تللی او خپل اولادونه یې په خارګاه کې دننه پرېیښي.

د ده په خبره، د اورلګېدو له امله په خارګاه کې بند پاتې درې ماشومان (دوه هلکان او یوه نجلۍ) بشپړ سوځېدلي او مړه شوي دي.

که څه هم په کندهار کې وخت په وخت د اورلګېدو پېښې رامنځته کېږي او خلکو ته ځاني او مالي زیانونه اړوي خو دا د خپلې بڼې لومړۍ پېښه ده.

د اورلګېدنې پېښې ډېری مهال د بې احتیاطۍ له امله رامنځته کېږي چې هر کال په کندهار کې لسګونه کسانو ته مرګ ژوبله اړوي.

ورته راپورونه:

نظر ورکړئ

اعلانونه

Advertisement

Etisalat Get more data, Etisalat Afghanistan