د پژواک خدمتونه

د انځورونو څانګه

غږيزه څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

کابل کې د پیازو ۹۷ زېرمتونونه جوړ شول

کابل کې د پیازو ۹۷ زېرمتونونه جوړ شول

Aug 24, 2020 - 16:07

کابل(پژواک، ۳ وږی ۹۹): د کرنې، اوبولګولو او مالدارۍ وزارت وایي، کابل کې یې د ۴۷،۷ ميليون افغانيو په لګښت د پیازو ۹۷ زېرمتونونه جوړ کړي او ګټې اخيستنې ته سپارل شوي دي.

د ياد وزارت په خبرپاڼه کې راغلي چې دغه زیرمتونونه په شاوخوا دوو میاشتو کې د کابل په چهاراسیاب، موسهي، خاکجبار، بګرامیو او ده سبز ولسوالیو کې جوړ شوي دي.  

د سرچینې د معلوماتو له مخې، د پیازو د دغو زېرمتونونو هر یو د ۱۲ مټریک ټنه پیازو د ساتنې وړتیا لري. 

محمدداوود چې سږکال یې په فتوح کلا کې پر یونیم جریب ځمکه پیاز کرل، وایي: «مخکې مې د خپلو پیازو له محصولاتو دومره هېله نه وه، ځکه چې په ټیټه بیه پلورل کېدل او یا خوسا کېدل، خو اوس چې د پیازو زېرمتون راته جوړ شوی، هیله لرم چې له خپل محصول څخه ډېره ګټه تر لاسه کړم.»

د ياد وزارت د اوبولګولو او طبیعي سرچینو مرستیال حشمت‌الله غفوري نن د کابل د «فتوح کلا» په سیمه کې د یادو زیرمتونونو د پرانيستو په مراسمو کې وویل چې په دوو راتلونکو میاشتو کې به د څه باندې ۱۲ زره پروژو چې په کې د پیازو او کچالو زېرمتونه، ممیزخونې او سړې خونې جوړول شامل دي، بشپړ او ګتې اخیستنې ته وسپارل شي.

ورته راپورونه:

نظر ورکړئ

اعلانونه

Advertisement

Etisalat Get more data, Etisalat Afghanistan