کابل (پژواک، ٩ وږى ٩٩): د کابل پوليس وايي چې د ښار په نهمه حوزه کې د يوې چاودنې له امله دوو کسانو ته مرګ ژوبله اوښتې ده.
د کابل د پوليسو وياند فردوس فرامرز پژواک اژانس ته وويل چې دا چاودنه تېره شپه شاوخوا اووه نيمې بجې د نهمې حوزې اړوند د قلعه مير عباس په سيمه کې وشوه.
هغه زياته کړه، امنيتي ځواکونه په سيمه کې پر چاڼيزو عملياتو بوخت وو چې په يوه کور کې چاودنه وشوه.
د نوموړي په وينا، په دې چاودنه کې يو کس وژل شوى او بل ټپي دى.
فرامرز وويل چې د پوليسو له لومړنيو پلټنو معلومېږي چې يادو کسانو په کور کې ماينونه جوړول چې د خپل ماین د چاودنې ښکار شول.
د هغه په وينا چې په دې اړه نورې پلټنې هم روانې دي.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن