ښرنه (پژواک،١٤وږى٩٩): د پکتيکا د ولايتي شورا ددغه ولايت د پوهنې رييس د بېلابېلو تورونو په تړاو څارنوالۍ ته معرفي کړی، خو د پوهنې رييس د ولايتي شورا مداخله د شخصي موخو په خاطر بولي .
پژواک ته هغه مکتوب په لاس ورغلی چې د پوهنې رييس څارنوالۍ ته معرفی شوی دى.
په ياد مکتوب کې د خلکو ستونزو ته نه رسېدنه، مالي فساد، د حق الزحمه ښوونکو معاش يادونه شوي او په مکتوب کې د يادو تورونو په اړه ۴۵ پاڼې دوسيه لېږل شوې.
د ولايتي شورا غړي افسرخان سليمان خېل پژواک خبري اژانس سره په خبرو کې وویل چې د پوهنې رييس محراب الدين شفق د خلکو ستونزو ته رسيدګي نه کوي، مالي فساد کوي او ډېری ولسواليو کې خلک هوايي معاشونه تر لاسه کوي .
هغه وويل چې په وړممۍ، وازېخوا او تروې ولسواليو کې د دوولسم ټولګي اسناد هوايي جوړيږي، زده کوونکي حاضري، ترقې تعليم او نور اړين اداري اسناد نه لري، خو د پوهنې رياست يې په اړه اقدام نه کوي.
د پکتيکا د پوهنې رييس محراب الدين شفق پژواک خبري اژانس سره په خبرو کې وويل چې د ولايتي شورا يو شمېر وکيلانو ځانته محکمه جوړه کړې او غواړي چې خپل خپلوان ورباندې مقرر کړي.
سرچينې وويل چې هغه له دې نه دی خبر چې څارنوالۍ ته معرفي شوى او دا د شخصي غوښتنو او فرمايشونو کار بولي.
د يادونې ده چې تر دې دمه څارنوالۍ څه نه دې ویلي.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن