د پژواک خدمتونه

د انځورونو څانګه

غږيزه څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

سعودي: د فلسطين تر بشپړې خپلواکۍ پورې له اسرائيلو سره اړيکې نه جوړوو

سعودي: د فلسطين تر بشپړې خپلواکۍ پورې له اسرائيلو سره اړيکې نه جوړوو

Sep 07, 2020 - 16:31

کابل (پژواک، ١٧ وږى ٩٩) : د سعودي پاچا ملک سلمان د امريکا ولسمشر ډونالډ ټرمپ ته په ډاګه کړې چې د فلسطين تر بشپړې خپلواکۍ پورې به له اسراييلو سره اړيکې جوړې نه کړي.

د سعودي ددولتي اژانس (واس) د خبر له مخې، د امريکا ولسمشر ډونالډ ټرمپ د سعودي پاچا ملک سلمان سره تېره شپه ټيلېفوني خبرې کړې دي.

سرچينې زياته کړې چې په دې اړيکه کې د کرونا پر ضد مبارزې، د منځني ختيځ پر سياسي او امنيتي حالاتو او په ځانګړې توګه د فلسطين په اړه يې خبرې کړې دي.

دا اړيکې وروسته له هغه نيول شوي چې د سعودي ملګري هېواد متحده عربي اماراتو له اسراييلو سره اړيکې نورمال کړې او سفارت يې فعاله کړ.

د سعودي پاچا په دې اړيکه کې ولسمشر ټرمپ ته په ډاګه کړې چې د سعودي او اسراييلو اړيکې به تر هغه نورمال نه شي، څو پورې چې د فلسطين خپلواکي نه وي اعلان شوې.

ملک سلمان زياته کړې چې دوى غواړي د فلسطين شخړه په سوله ييزه توګه د عرب ليګ د سولې له پلان سره سم هواره شي.

هغه دغه راز ټرمپ ته ويلي چې سعودي په سيمه کې د سولې او ثبات لپاره د امريکا د ټولو هڅو ملاتړ کوي.

د امريکا ولسمشر  ټرمپ د سعودي له پاچا مننه کړې چې د اسراييلو الوتکو ته يې په خپلې فضا کې د تېرېدو اجازه ورکړې ده.

نښه: 

ورته راپورونه:

نظر ورکړئ

اعلانونه

Advertisement

Etisalat Get more data, Etisalat Afghanistan